ചെന്നൈ: ആദ്യ ടെസ്റ്റിന്റെ ഒന്നാം ഇന്നിങ്‌സില്‍ കൂറ്റന്‍ സ്‌കോര്‍ ലക്ഷ്യമിട്ട് രണ്ടാം ദിനം ബാറ്റിങ് ആരംഭിച്ച് ഇംഗ്ലണ്ട്. 600-700 ടോട്ടല്‍ ആണ് ചെന്നൈയില്‍ ടീം ലക്ഷ്യം വെക്കുന്നത് എന്ന് ഇംഗ്ലണ്ട് നായകന്‍ ജോ റൂട്ട് പറഞ്ഞു.
എത്രമാത്രം റണ്‍സ് കണ്ടെത്താനാവുമോ അത്രയും കണ്ടെത്താനാണ് ശ്രമം. സാധ്യമായാല്‍ 600,700. ഒന്നാം ഇന്നിങ്‌സില്‍ പരമാവധി മുന്‍തൂക്കം നേടാനാണ് ശ്രമിക്കുക എന്നും റൂട്ട് പറഞ്ഞു. മൂന്ന് വിക്കറ്റ് നഷ്ടത്തില്‍ 263 റണ്‍സ് എന്ന നിലയിലാണ് രണ്ടാം ദിനം ഇംഗ്ലണ്ട് ബാറ്റിങ് തുടങ്ങിയിരിക്കുന്നത്.
211 ഡെലിവറികളില്‍ നിന്ന് 135 റണ്‍സുമായി റൂട്ടും, 4 റണ്‍സുമായി ബെന്‍ സ്റ്റോക്ക്‌സുമാണ് ക്രീസില്‍. തന്റെ നൂറാം ടെസ്റ്റിന് ഇറങ്ങിയ ക്യാപ്റ്റന്‍ ജോ റൂട്ട് ആദ്യ ദിനം സെഞ്ചുറിയോടെ ഉജ്വലമാക്കിയിരുന്നു. റൂട്ടിന്റെ കരിയറിലെ 20ാം സെഞ്ചുറിയായിരുന്നു അത്.
100ാം ടെസ്റ്റില്‍ സെഞ്ചുറി നേടുന്ന അഞ്ചാമത്തെ ക്യാപ്റ്റന്‍ എന്ന നേട്ടവും ഇവിടെ റൂട്ട് സ്വന്തമാക്കിയിരുന്നു. ആദ്യ ദിനത്തില്‍ ചെന്നൈയിലെ പിച്ചില്‍ നിന്ന് ഇന്ത്യന്‍ ബൗളര്‍മാര്‍ക്ക് പിന്തുണ ലഭിച്ചില്ല. രണ്ടാം ദിനം മികച്ച സ്‌കോറിലേക്ക് പോവുന്ന ഇംഗ്ലണ്ടിന് തടയിടുക ഇന്ത്യക്ക് വെല്ലുവിളിയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates