എക്കാലത്തേയും മികച്ച ഫുട്‌ബോള്‍ താരമാണ് മെസി എന്ന് പറയാനാവില്ലെന്ന് ബ്രസീല്‍ ഇതിഹാസ താരം റൊണാള്‍ഡിഞ്ഞോ. മറഡോണ, പെലെ എന്നിവരുള്‍പ്പെടെ ഒരുപാട് കളിക്കാരുണ്ട് എന്നാണ് മെസിയാണോ എക്കാലത്തേയും മികച്ച താരം എന്ന ചോദ്യത്തിന് മറുപടിയായി റൊണാള്‍ഡിഞ്ഞോ പറഞ്ഞു.
പറയാന്‍ പ്രയാസമാണ്. മറ്റ് ഒരുപാട് കളിക്കാരുണ്ട്. എനിക്ക് താരതമ്യം ചെയ്യാന്‍ താത്പര്യം ഇല്ല. മറഡോണ, പെലെ ഉള്‍പ്പെടെ ഒരുപാട് പേരുണ്ട്. അവരവരുടെ സമയങ്ങളില്‍ ഇവരെല്ലാം ഏറ്റവും മികച്ച താരങ്ങളായിരുന്നു, റൊണാള്‍ഡിഞ്ഞോ പറഞ്ഞു.
തന്റെ തലമുറയിലെ ഏറ്റവും മികച്ച താരം മെസി ആണെന്ന് റൊണാള്‍ഡിഞ്ഞോ നേരത്തെ പറഞ്ഞിരുന്നു. എന്നാല്‍ എക്കാലത്തേയും മികച്ച ഫുട്‌ബോള്‍ താരം എന്ന വിശേഷണം മെസിക്ക് നല്‍കാന്‍ റൊണാള്‍ഡിഞ്ഞോ തയ്യാറല്ല. പെലെ, മറഡോണ, എന്നിവര്‍ക്കൊപ്പം മെസിയുമായി താരതമ്യപ്പെടുത്തുന്നതില്‍ റൊണാള്‍ഡോ നസാരിയോയേയും റൊണാള്‍ഡിഞ്ഞോ മുന്‍പില്‍ വെക്കുന്നു.
2003 മുതല്‍ 2008 വരെയാണ് റൊണാള്‍ഡിഞ്ഞോ ബാഴ്‌സയ്ക്കായി കളിച്ചത്. 200ന് മുകളില്‍ മത്സരങ്ങള്‍ ബാഴ്‌സയ്ക്ക് വേണ്ടി കളിച്ചപ്പോള്‍ മെസിയുടെ ആദ്യ ഗോളിന് അസിസ്റ്റ് വന്നത് റൊണാള്‍ഡിഞ്ഞോയില്‍ നിന്നാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates