കൊല്‍ക്കത്ത: ഇന്ത്യയ്‌ക്കെതിരായ ടെസ്റ്റ് പരമ്പര ഏറ്റവും കഠിനമായ പര്യടനങ്ങളിലൊന്നാണെന്ന് ദക്ഷിണാഫ്രിക്കന്‍ സ്പിന്നര്‍ കേശവ് മഹാരാജ്. കഴിഞ്ഞ 15 വര്‍ഷമായി ഇന്ത്യയില്‍ ഒരു ടെസ്റ്റ് മത്സരം പോലും ദക്ഷിണാഫ്രിക്ക ജയിച്ചിട്ടില്ല, എന്നാല്‍ ഈ വരള്‍ച്ച അവസാനിപ്പിക്കാനുള്ള അതിയായ ആഗ്രഹമുണ്ടെന്നും താരം പറഞ്ഞു.
കൊല്‍ക്കത്തയില്‍ നവംബര്‍ 14 നാണ് ദക്ഷിണാഫ്രിക്കക്കെതിരായ ടെസ്റ്റ് പരമ്പര തുടങ്ങുന്നത്. രണ്ട് മത്സരങ്ങളുള്ള പരമ്പരയില്‍ അവസാന മത്സരം ഗുവാഹത്തിയിലാണ്. 'ഇന്ത്യന്‍ മണ്ണില്‍ ഇന്ത്യയെ തോല്‍പ്പിക്കണമെന്നു ടീമിന് ആഗ്രഹമുണ്ട്. ടീമിന്റെ ഏറ്റവും കഠിനമായ പര്യടനങ്ങളില്‍ ഒന്നായിരിക്കാം ഇതെന്നും' താരം പറഞ്ഞു.
'ഇത് ഞങ്ങള്‍ക്ക് ഏറ്റവും വലിയ പരീക്ഷണങ്ങളില്‍ ഒന്നാണെന്ന് തോന്നുന്നു. ഞങ്ങള്‍ക്ക് സ്വയം വിലയിരുത്താനുള്ള ഒരു അവസരമായിരിക്കും ഇത്. ഞങ്ങള്‍ ഉപഭൂഖണ്ഡത്തിന്റെ മറ്റ് ഭാഗങ്ങള്‍ കീഴടക്കാന്‍ തുടങ്ങിയിരിക്കുന്നു. ഞങ്ങള്‍ ശരിക്കും ഏറ്റെടുക്കാന്‍ ആഗ്രഹിക്കുന്ന ഒരു ദൗത്യമാണിതെന്ന് എനിക്ക് തോന്നുന്നു. സമീപ വര്‍ഷങ്ങളില്‍ ടെസ്റ്റ് ക്രിക്കറ്റിലെ ഏറ്റവും സ്ഥിരതയുള്ള ടീമുകളില്‍ ഒന്നാണെങ്കിലും, 2015 ലും 2019 ലും ഇന്ത്യയില്‍ നടന്ന അവസാന രണ്ട് പരമ്പരകളിലും ദക്ഷിണാഫ്രിക്കയ്ക്ക് നേട്ടങ്ങളുണ്ടായിട്ടില്ല.
'പാകിസ്ഥാനിലെ പോലെ സ്പിന്‍ അനുകൂല പിച്ചുകള്‍ ആയിരിക്കുമെന്ന് ഞാന്‍ കരുതുന്നില്ല. ക്യൂറേറ്റര്‍മാര്‍ പരമ്പരയില്‍ സ്പിന്നിന് അനുകൂലമായ പിച്ചുകള്‍ നല്‍കാന്‍ സാധ്യതയില്ലെന്നും' താരം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates