ധരംശാല: ടി20 ക്രിക്കറ്റില്‍ അനുപമ നേട്ടവുമായി തിലക് വര്‍മ. റെക്കോര്‍ഡില്‍ തിലക്, സ്റ്റാര്‍ ബാറ്റര്‍ വിരാട് കോഹ്‌ലിയെ മറികടന്നു. റണ്‍ ചെയ്‌സില്‍ രാജാവായ കോഹ്‌ലിയുടെ ബാറ്റിങ് ആവറേജാണ് തിലക് പഴങ്കഥയാക്കിയത്.

ടി20യില്‍ റണ്‍സ് ചെയ്‌സുകളില്‍ (കുറഞ്ഞത് 500 റണ്‍സ്) ഏറ്റവും മികച്ച ആവറേജ് ഇനി തിലകിന്റെ പേരില്‍. റണ്‍സ് ചെയ്‌സില്‍ തിലകിന്റഎ ആവറേജ് 68ല്‍ എത്തി. കോഹ്‌ലിക്ക് 67.1 ആണ് ആവറേജ്.

ദക്ഷിണാഫ്രിക്കയ്‌ക്കെതിരായ മൂന്നാം ടി20യില്‍ പുറത്താകാതെ 26 റണ്‍സെടുത്തതോടെയാണ് നേട്ടം. പരമ്പരയില്‍ മിന്നും ഫോമിലാണ് താരം ബാറ്റ് വീശുന്നത്.

അന്താരാഷ്ട്ര ടി20 കരയറില്‍ 1110 റണ്‍സാണ് താരത്തിന്റെ നേട്ടം. ആവറേജ് 48.26. 39 ടി20 മത്സരങ്ങളില്‍ നിന്നായി 2 സെഞ്ച്വറികളും 5 അര്‍ധ സെഞ്ച്വറികളും അക്കൗണ്ടിലുണ്ട്. പുറത്താകാതെ 120 റണ്‍സെടുത്തതാണ് മികച്ച പ്രകടനം.