ക്രിക്കറ്റ് ലോകത്ത് വീണ്ടുമൊരു മങ്കാദിങ്. അണ്ടർ 19 ലോകകപ്പിൽ ഉ​ഗാണ്ടയും പാപുവ ന്യു ​ഗിനിയയും തമ്മിലുള്ള മത്സരത്തിന് ഇടയിലാണ് സംഭവം. ഉ​ഗാണ്ടൻ ബൗളർ ക്രീസിന് പുറത്തിറങ്ങി നിന്ന ബൗളറെ മങ്കാദിങ് ചെയ്യുകയായിരുന്നു. 

പിഎൻജിയുടെ ഇന്നിങ്സിലെ 16ാം ഓവറിലാണ് സംഭവം. നോൺസ്ട്രൈക്കറായ ജോൺ കരിക്കോ ക്രീസിന് പുറത്തായാണ് നിന്നത്. ഇത് കണ്ട ബൗളർ ജസഫ് ബ​ഗുമ ബൗളിങ് ആക്ഷൻ പൂർത്തിയാക്കാതെ നോൺസ്ട്രൈക്കേഴ്സ് എൻഡിലെ ബെയിൽസ് ഇളക്കി. അമ്പയർ ഔട്ട് അനുവദിക്കുകയും ചെയ്തു. 

ബൗളറുടെ മോശം തന്ത്രമെന്ന് യുവരാജ് സിങ്

ഇവിടെ ബൗളറുടെ ഭാ​ഗത്ത് നിന്നുണ്ടായ പെരുമാറ്റത്തെ വിമർശിക്കുകയാണ് ഇന്ത്യൻ മുൻ താരം യുവരാജ് സിങ്. ബൗളറുടെ മോശം തന്ത്രം എന്നാണ് യുവരാജ് സിങ് ഇതിനെ ചൂണ്ടി പറഞ്ഞത്. എന്നാൽ ക്രീസ് ലൈനിൽ നിൽക്കാത്തത് ബാറ്റ്സ്മാന്റെ പ്രശ്നമാണെന്നും ബൗളറുടെ ഭാ​ഗത്ത് പിഴവില്ലെന്നുമാണ് തബ്രെയ്സ് ഷംസി പ്രതികരിച്ചത്.