ലണ്ടന്‍: ഒക്ടോബര്‍ 31 മുതല്‍ ആരംഭിക്കുന്ന വെസ്റ്റ് ഇന്‍ഡീസിനെതിരായ ഏകദിന പരമ്പരയ്ക്കുള്ള ഇംഗ്ലണ്ട് ടീമില്‍ നിന്നു സ്ഥിരം നായകന്‍ ജോസ് ബട്‌ലര്‍ പുറത്ത്. ലിയാം ലിവിങ്സ്റ്റന്‍ ആണ് ഇംഗ്ലണ്ടിന്റെ പരമ്പരയിലെ നായകന്‍. ഇതാദ്യമായാണ് താരം ഇംഗ്ലണ്ട് ക്യാപ്റ്റനാകുന്നത്.
കാലിനേറ്റ പരിക്കില്‍ നിന്നു ബട്‌ലര്‍ക്ക് മുക്തനാകാന്‍ സാധിച്ചില്ല. ഇതോടെയാണ് താരം ടീമില്‍ നിന്നു പുറത്തായത്. ഇക്കഴിഞ്ഞ ജൂണില്‍ ടി20 ലോകകപ്പ് പോരാട്ടത്തില്‍ ഓസ്‌ട്രേലിയക്കെതിരെയാണ് ബട്‌ലര്‍ അവസാനമായി ഇംഗ്ലീഷ് കുപ്പായത്തില്‍ കളിച്ചത്. ദി ഹണ്ട്രഡ്, ഓസ്‌ട്രേലിയക്കെതിരായ ഏകദിന, ട20 പോരാട്ടങ്ങളും ബട്‌ലര്‍ക്ക് നഷ്ടമായി.
വിന്‍ഡീസിനെതിരായ അഞ്ച് മത്സരങ്ങളടങ്ങിയ ടി20 പരമ്പരയിലൂടെ തിരിച്ചു വരാമെന്ന പ്രതീക്ഷയിലാണ് ബട്‌ലര്‍. നവംബര്‍ 9 മുതലാണ് ടി20 പോരാട്ടം.
ഇംഗ്ലണ്ട് ടീം- ലിയാം ലിവിങ്സ്റ്റന്‍ (ക്യാപ്റ്റന്‍), ജോഫ്ര ആര്‍ച്ചര്‍, യാക്കോബ് ബേതേല്‍, ജോഫര്‍ ചോഹാന്‍, സാം കറന്‍, വില്‍ ജാക്‌സ്, സാഖിബ് മഹ്മൂദ്, ഡാന്‍ മൗസ്‌ലി, ജാമി ഓവര്‍ടന്‍, ആദില്‍ റഷീദ്, ഫില്‍ സാള്‍ട്ട്, റീസ് ടോപ്‌ലി, ജോണ്‍ ടര്‍ണര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates