ബംഗളൂരു: ഐപിഎല്‍ തൊട്ട് അടുത്തെത്തി നില്‍ക്കുമ്പോള്‍ ബാംഗ്ലൂര്‍ ടീമിലേക്ക് എത്തിയ മുഹമ്മദ് അസ്ഹറുദ്ദീനിലാണ് മലയാളികളുടെ ശ്രദ്ധ. ബാംഗ്ലൂര്‍ ഡ്രസിങ് റൂമിലേക്ക് എത്താന്‍ ഏതാനും ദിവസങ്ങള്‍ മാത്രം മുന്‍പില്‍ നില്‍ക്കെ തന്റെ പദ്ധതികളെ കുറിച്ച് പറയുകയാണ് അസ്ഹറുദ്ദീന്‍.
എങ്ങനെ സ്ഥിരത പുലര്‍ത്തുന്ന ക്രിക്കറ്റ് താരമാവാം? വിരാട് കോഹ്‌ലിയോട് ചോദിക്കാന്‍ ആഗ്രഹിക്കുന്ന ആദ്യത്തെ ചോദ്യം ഇതാണെന്ന് അസ്ഹറുദ്ദീന്‍ പറയുന്നു. ഒരു ദിവസം ഇന്ത്യയെ പ്രതിനിധീകരിച്ച് കളിക്കാനിറങ്ങുക എന്നതാണ് നമ്മുടെ എല്ലാവരുടേയും ലക്ഷ്യം. അങ്ങനെ സംഭവിക്കണം എങ്കില്‍ നമുക്ക് സ്ഥിരത പുലര്‍ത്താനാവണം.
ലോകത്തിലെ ഏറ്റവും മികച്ച ബാറ്റ്‌സ്മാനും ക്യാപ്റ്റനും കോഹ്‌ലിയാണ്. മൂന്ന് ഫോര്‍മാറ്റിലും 50ന് മുകളിലാണ് കോഹ് ലിയുടെ ബാറ്റിങ് ശരാശരി. അത് അവിശ്വസനീയമാണ്. എങ്ങനെയാണ് സ്ഥിരത പുലര്‍ത്തുന്ന ക്രിക്കറ്റ് താരമാവുക എന്ന് എനിക്ക് കോഹ് ലിയോട് ചോദിക്കണം...അസ്ഹറുദ്ദീന്‍ പറഞ്ഞു.
ആര്‍സിബിയില്‍ ബാറ്റിങ്ങില്‍ ഡിവില്ലിയേഴ്‌സ്, കോഹ് ലി എന്നിവരില്‍ ഒരാളെ പാര്‍ട്ണറായി തെരഞ്ഞെടുക്കാന്‍ പറഞ്ഞാല്‍ ആരുടെ പേര് പറയുമെന്ന ചോദ്യത്തിനും കോഹ് ലി എന്നായിരുന്നു അസ്ഹറുദ്ദീന്റെ മറുപടി. ക്രിക്കറ്റ് ലോകത്തിലെ തന്റെ ബെസ്റ്റ് ഫ്രണ്ട് സഞ്ജു സാംസണ്‍ ആണെന്നും അസ്ഹര്‍ പറഞ്ഞു. സെലിബ്രിറ്റിക്കൊപ്പം ഡിന്നര്‍ ഡേറ്റിന് പോവാന്‍ സാധിച്ചാല്‍ നയന്‍താരയ്‌ക്കൊപ്പം പോവാനാണ് ആഗ്രഹമെന്നും കേരള താരം പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates