ദുബായ്: ട്വന്റി20 ലോകകപ്പിന്റെ സെമി സാധ്യതകള്‍ നിലനിര്‍ത്താന്‍ ഉറച്ചാണ് ഇന്ത്യയും ന്യൂസിലാന്‍ഡും ഇന്ന് നേര്‍ക്കുനേര്‍ വരുന്നത്. എന്നാല്‍ അവിടെ ഐസിസി ഇവന്റുകളില്‍ ന്യൂസിലാന്‍ഡിന് മുന്‍പില്‍ കാലിടറി വീണ ചരിത്രമാണ് ഇന്ത്യക്ക് വലിയ ആശങ്ക സൃഷ്ടിക്കുന്നത്. 2003 മുതലുള്ള ചരിത്രം എടുത്താന്‍ കാര്യങ്ങള്‍ ഇന്ത്യക്ക് അനുകൂലമല്ല.
2007 ട്വന്റി20 ലോകകപ്പില്‍ സൂപ്പര്‍ 8ലെ തോല്‍വി
2007ലെ ട്വന്റി20 ലോകകപ്പ് മുതല്‍ ഐസിസി ചാമ്പ്യന്‍സ് ട്രോഫി ഫൈനലില്‍ വരെ ഐസിസി ടൂര്‍ണമെന്റുകളില്‍ ന്യൂസിലാന്‍ഡിന്റെ ഇന്ത്യക്ക് മേലുള്ള ആധിപത്യം കാണാം. 2007ലെ പ്രഥമ ട്വന്റി20 ലോകകപ്പില്‍ സൂപ്പര്‍ എട്ടിലെ മത്സരത്തില്‍ ന്യൂസിലാന്‍ഡ് ഇന്ത്യയെ തോല്‍പ്പിച്ചു. 2007ല്‍ ട്വന്റി20 ലോക കിരീടം ഇന്ത്യ നേടിയപ്പോള്‍ ടൂര്‍ണമെന്റില്‍ ഇന്ത്യ തോറ്റത് ന്യൂസിലാന്‍ഡിന് എതിരെ മാത്രമായിരുന്നു.
2016 ട്വന്റി20 ലോകകപ്പില്‍ നാഗ്പൂരില്‍ വീണു
2016ലെ ട്വന്റി20 ലോകകപ്പിലും ന്യൂസിലാന്‍്ഡിനോട് ഇന്ത്യ തോറ്റു. 47 റണ്‍സിനാണ് ഇന്ത്യയെ നാഗ്പൂരില്‍ ന്യൂസിലാന്‍ഡ് തോല്‍വിയിലേക്ക് തള്ളിയിട്ടത്. അന്ന് 79 റണ്‍സിന് ധോനിയും കൂട്ടരും ഓള്‍ഔട്ടായി. ധോനിയേയും കോഹ് ലിയേയും കൂടാതെ മറ്റൊരു ഇന്ത്യന്‍ താരവും അവിടെ രണ്ടക്കം കടന്നില്ല.
2019 ലോകകപ്പ് സെമിയിലും ഇന്ത്യയുടെ ഹൃദയം തകര്‍ത്തു
2019ലെ ലോകകപ്പ് സെമി ഫൈനലിലും ന്യൂസിലാന്‍ഡ് ഇന്ത്യയുടെ വഴി മുടക്കി. 239 റണ്‍സാണ് അവിടെ ന്യൂസിലാന്‍ഡ് ഇന്ത്യയുടെ മുന്‍പില്‍ വെച്ചത്. എന്നാല്‍ മഴ രസം കൊല്ലിയായി എത്തിയ കളിയില്‍ വിജയ ലക്ഷ്യത്തിലേക്ക് എത്താനാവാതെ ഇന്ത്യ വീണു.
ചാമ്പ്യന്‍സ് ട്രോഫി ഫൈനലിലും ഇന്ത്യയെ തളച്ചു
ചാമ്പ്യന്‍സ് ട്രോഫി ഫൈനലില്‍ ഇന്ത്യയെ പൊരുതാന്‍ പോലും വിടാതെ വീഴ്ത്തുകയായിരുന്നു ന്യൂസിലാന്‍ഡ്. ടോസ് നഷ്ടപ്പെട്ട് ബാറ്റ് ചെയ്ത ഇന്ത്യ 217 റണ്‍സ് ആണ് കണ്ടെത്തിയത്. 32 റണ്‍സിന്റെ ഒന്നാം ഇന്നിങ് ലീഡ് ന്യൂസിലാന്‍ഡ് നേടി. എന്നാല്‍ രണ്ടാം ഇന്നിങ്‌സില്‍ ഇന്ത്യ 170 റണ്‍സിന് ഓള്‍ഔട്ട്. അവസാന ദിനം 140 റണ്‍സ് ന്യൂസിലാന്‍ഡ് അനായാസം മറികടന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates