റിയോ ഡി ജനീറോ: അര്‍ജന്റീന കുപ്പായത്തില്‍ ഒരു ലോക കിരീടമെന്ന ഇതിഹാസ താരം ലയണല്‍ മെസിയുടെ ആഗ്രഹം അനന്തമായി നീളുകയാണ്. ഇത്തവണത്തെ കോപ്പ അമേരിക്ക പോരാട്ടത്തിന്റെ സെമിയില്‍ ബ്രസീലിന് മുന്നില്‍ വീണതോടെ ഒരിക്കല്‍ കൂടി ആഗ്രഹം സ്വപ്‌നമായി തന്നെ അവശേഷിച്ചു. സെമിയില്‍ തോറ്റ് പുറത്തായതിന്റെ നിരാശയില്‍ നില്‍ക്കുന്ന ലയണല്‍ മെസിയെ ആശ്വസിപ്പിച്ച് രംഗത്തെത്തിയിരിക്കുകയാണ് സെലക്കാവോ നായകന്‍ ഡാനി ആല്‍വെസ്.
മെസിക്കൊപ്പം നേരത്തെ ബാഴ്‌സലോണയില്‍ ഒരുമിച്ചു കളിച്ച താരമാണ് ആല്‍വെസ്. അര്‍ജന്റീനയുടെ തോല്‍വിയില്‍ മെസിയെ ക്രൂശിക്കുന്നത് ശരിയല്ല എന്ന് ആല്‍വെസ് പറയുന്നു.
''ലോകത്തിലെ ഏറ്റവും മികച്ച കളിക്കാരനാവുക എന്നത് വളരെ ക്ലേശകരമാണ്. ലോകത്തിലെ ഏറ്റവും മികച്ച കളിക്കാരനായി എന്നതാണ് മെസി നേരിടുന്ന വിമര്‍ശനങ്ങള്‍ക്ക് കാരണം. ബ്രസീല്‍ ആയിരുന്നു പരാജയപ്പെട്ടതെങ്കില്‍ എല്ലാവരും ടീമിന്റെ പരാജയമായി കാണും. ബ്രസീല്‍ ടീമിലെ മുഴുവന്‍ പേരും നിരാശയോടെ ഇരിക്കും. എന്നാല്‍ അര്‍ജന്റീന പരാജയപ്പെടുമ്പോള്‍ എല്ലാം മെസിയുടെ മാത്രം പിഴവാണെന്ന് വ്യാഖ്യാനിക്കുന്നു. എനിക്ക് അദ്ദേഹത്തോട് സഹതാപം തോന്നുന്നു''- ആല്‍വെസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates