പാരിസ്: ഫ്രഞ്ച് ലീഗ് വണ്‍ പോരാട്ടത്തില്‍ അപരാജിത മുന്നേറ്റം നടത്തുകയാണ് പാരിസ് സെന്റ് ജെര്‍മെയ്ന്‍. 11ല്‍ 11 മത്സരങ്ങളും വിജയിച്ച് എതിരാളികളെ ബഹുദൂരം പിന്നിലാക്കിയാണ് പിഎസ്ജിയുടെ മുന്നേറ്റം.
കഴിഞ്ഞ ദിവസം മാഴ്‌സയെ അവരുടെ തട്ടകത്തില്‍ മറുപടിയില്ലാത്ത രണ്ട് ഗോളിന് വീഴ്ത്തിയാണ് പിഎസ്ജി 11ാം തുടര്‍ വിജയം സ്വന്തമാക്കിയത്.
മത്സരത്തിനിടെ മാഴ്‌സ ആരാധകരുടെ വഴിവിട്ട ചില പ്രവര്‍ത്തികള്‍ ഇപ്പോള്‍ ചര്‍ച്ചയായിരിക്കുകയാണ്. മത്സരത്തിനിടെ ബ്രസീല്‍ സൂപ്പര്‍ താരം നെയ്മറിന്റെ നേര്‍ക്ക് മാഴ്‌സ ആരാധകര്‍ ബോട്ടിലുകളും കോയിന്‍സും വലിച്ചെറിഞ്ഞ് അപമാനിക്കാന്‍ ശ്രമം നടത്തിയതാണ് ചര്‍ച്ചയായത്.
ആരാധകരുടെ പെരുമാറ്റത്തെ വിമര്‍ശിച്ച് നെയ്മര്‍ തന്നെ രംഗത്തെത്തി. ഇത്തരം പ്രവര്‍ത്തികള്‍ ശരിയായ നടപടിയല്ലെന്ന് നെയ്മര്‍ പറയുന്നു. ഇത്തരത്തില്‍ പ്രവര്‍ത്തനം നടത്തുന്നവരെ ശിക്ഷിക്കാന്‍ അധികൃതര്‍ തയ്യാറാകാണം. എതിര്‍ ടീം ആരാധകര്‍ തങ്ങള്‍ക്ക് നേരെ എന്തെങ്കിലും ചെയ്യുമെന്ന് ആലോചിച്ച് കളിക്കേണ്ടി വരുന്നത് അപകടകരമായ അവസ്ഥയാണെന്നും നെയ്മര്‍ കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates