ന്യൂയോര്ക്ക്: സ്പാനിഷ് താരം റാഫേല് നദാല് യുഎസ് ഓപണ് ടെന്നീസ് ഗ്രാന്ഡ് സ്ലാം പോരാട്ടത്തിന്റെ ക്വാര്ട്ടര് ഫൈനലില്. ക്രൊയേഷ്യന് കരുത്തന് മരിന് സിലിച്ചിനെ നിലംപരിശാക്കിയാണ് നദാലിന്റെ മുന്നേറ്റം.
ക്വാര്ട്ടറില് സിലിച്ച് നദാലിന് കടുത്ത വെല്ലുവിളി തീര്ക്കുമെന്ന് പ്രതീക്ഷിക്കപ്പെട്ടെങ്കിലും രണ്ടാം സെറ്റ് നേടിയതൊഴിച്ചാല് നദാലിന്റെ മുന്നേറ്റം ഏതാണ്ട് അനായാസമായിരുന്നു. സ്കോര് 6-3, 3-6, 6-1, 6-2.
ആദ്യ സെറ്റില് കളിയുടെ കടിഞ്ഞാണേന്തി സെറ്റ് സ്വന്തമാക്കിയ നദാലിനെതിരെ രണ്ടാം സെറ്റില് ശക്തമായി തിരിച്ചടിക്കാന് സിലിച്ചിന് സാധിച്ചു. എന്നാല് മൂന്നും നാലും സെറ്റുകള് ക്ഷണത്തില് തീര്ത്താണ് സ്പാനിഷ് താരം അവസാന എട്ടില് സീറ്റുറപ്പിച്ചത്.
ഡീഗോ ഷോര്ട്സ്മന്- അലക്സാണ്ടര് സ്വരേവ് പ്രീ ക്വാര്ട്ടര് വിജയിക്കുന്ന താരമാണ് ക്വാര്ട്ടറില് നദാലിന്റെ എതിരാളി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates