സച്ചിന്‍ ടെണ്ടുല്‍ക്കറോ, വിരാട് കോഹ്ലിയോ? ഇവരില്‍ ആരാണ് മികച്ചത് എന്നാണ് മൈക്രോസോഫ്റ്റ് സിഇഒ സത്യ നദെല്ലക്ക് നേരെ ചോദ്യം ഉയര്‍ന്നത്. ക്രിക്കറ്റിന്റെ കടുത്ത ആരാധകനായ നദെല്ലയെ അത് കുഴപ്പിക്കുന്ന ചോദ്യമായിരുന്ന്. മതം തെരഞ്ഞെടുക്കുന്നത് പോലെയാണ് എന്നായിരുന്നു നദെല്ലയുടെ മറുപടി. 

മതം തെരഞ്ഞെടുക്കുന്നത് പോലെയാണ് ഇവരില്‍ ഒരാളെ തെരഞ്ഞെടുക്കുക എന്നത്. ഇന്നലത്തെ താരം സച്ചിനെന്നും, ഇന്നത്തേത് കോഹ്‌ലിയെന്നും ഞാന്‍ പറയും. ഇന്ന് കോഹ് ലിയുടെ ബാറ്റിങ് കാണാനാണ് എനിക്ക് ഇഷ്ടം. സച്ചിന്‍ കളിച്ചിരുന്ന സമയം സച്ചിന്റെ ബാറ്റിങ് കാണാനും. 

ക്രിക്കറ്റില്‍ കോഡിങ് കൊണ്ടുവരുന്നതിനോട് അനുകൂലമായാണ് തന്റെ നിലപാടെന്നും അദ്ദേഹം പറഞ്ഞു. കഴിഞ്ഞ ദിവസം അനില്‍ കുംബ്ലേയെ ഞാന്‍ കണ്ടിരുന്നു. ഇന്റര്‍നെറ്റ് ഓഫ് തിങ്‌സ് സെന്‍സറുമായി ക്രിക്കറ്റ് ബാറ്റിന് ബന്ധിപ്പിക്കുന്ന സ്റ്റാര്‍ട്ട്അപ്പ് പദ്ധതി കുംബ്ലേക്കുണ്ട്. ഭാവിയിലേക്കുള്ള വലിയ മാറ്റമാണ് കോഡിങ് എന്നും അദ്ദേഹം പറഞ്ഞു.