ലോകകപ്പ് മത്സരങ്ങള്‍ ആരംഭിക്കുന്നതിന് മുന്‍പേയായിരുന്നു ഹാരി കെയിന്‍ കോഹ് ലിയെ കാണാന്‍ എത്തിയത്. ഇരുവരും ഒരുമിച്ചുള്ള സെല്‍ഫി ഫുട്‌ബോള്‍, ക്രിക്കറ്റ് ആരാധകര്‍ക്കിടയില്‍ കൗതുകം തീര്‍ത്തിരുന്നു. ഇപ്പോഴിതാ, ആ കൂടിക്കാഴ്ചയിലെ രസകരമായ സംഭവങ്ങള്‍ പങ്കുവയ്ക്കുകയാണ് കെയിന്‍ ഇപ്പോള്‍.
കൂടിക്കാഴ്ചയ്ക്കിടെ കെയ്‌നിനോട് കോഹ് ലി പറയുന്നത് ഇങ്ങനെയാണ്..''ക്രിക്കറ്റ് താരങ്ങള്‍ കളിക്ക് മുന്‍പ് വ്യായാമത്തിനായി ഫുട്‌ബോള്‍ കളിക്കാറുണ്ട്. എന്നാല്‍ ഒരിക്കലും അത് തിരിച്ചു സംഭവിക്കില്ല...''ഇത് കേട്ട് കെയ്‌നും ചിരിക്കുന്നു.
വീഡിയോയില്‍ കെയ്ന്‍ ബാറ്റിങ്ങും ബൗളിങ്ങും കോഹ് ലിക്കെതിരെ പരീക്ഷിക്കുന്നതും കാണാം. ലോകകപ്പില്‍ ഇനിയുള്ള മത്സരങ്ങള്‍ക്കെല്ലാം കോഹ് ലിക്ക് ആശംസകള്‍ നേരുന്നു, ഇംഗ്ലണ്ടിനൊഴികെ കളിക്കുമ്പോള്‍ എന്നും വീഡിയോ ഷെയര്‍ ചെയ്ത് ഹാരി കെയ്ന്‍ പറയുന്നു. കെയ്‌നിന്റെ ആശംസകള്‍ക്ക് കോഹ് ലി നന്ദിയും പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates