ന്യൂഡെല്‍ഹി: ചാംപ്യന്‍സ് ട്രോഫി ടൂര്‍ണമെന്റിനുള്ള ഇന്ത്യന്‍ ടീമില്‍ നിന്നും ഒഴിവാക്കിയതിനെതിരേ മുന്‍ ക്യാപ്റ്റന്‍ മഹേന്ദ്ര സിംഗ് ധോണിക്കും അശ്വിനും എതിരായി ഒരു പരാമര്‍ശവും നടത്തിയിട്ടില്ലെന്ന് ഹര്‍ഭജന്‍ സിംഗ്. മാധ്യമങ്ങള്‍ വാര്‍ത്ത വളച്ചൊടിച്ചതാണെന്നും ഭാജി.

ചാംപ്യന്‍സ് ലീഗ് തെരഞ്ഞെടുപ്പില്‍ സെലക്ടര്‍മാര്‍ നീതി കാണിഞ്ഞില്ലെന്നത് പറഞ്ഞിട്ടുണ്ട്. എന്നാല്‍, ധോണിയെക്കുറിച്ചോ, അശ്വിനെ കുറിച്ചോ താന്‍ ഒന്നും പറഞ്ഞിട്ടില്ല. ഈ രണ്ട് താരങ്ങള്‍ക്കും ലഭിക്കുന്ന പരിഗണന തനിക്കു ലഭിക്കുന്നില്ലെന്നായിരുന്ന വാര്‍ത്തകള്‍ വന്നിരുന്നത്. എന്നാല്‍, മാധ്യമങ്ങള്‍ ഇക്കാര്യം തെറ്റായി നല്‍കിയതാണെന്നും ഹര്‍ഭജന്‍ വ്യക്തമാക്കി.

ധോണി മികച്ച കളിക്കാരനാണെന്നും അതിലുപരി തന്റെ സുഹൃത്താണെന്നും ഹര്‍ഭജന്‍ കൂട്ടിച്ചേര്‍ത്തു.