ബിര്മിങ്ഹാം: ലോകകപ്പില് ഇന്ത്യക്കെതിരായ പോരാട്ടത്തിൽ മികച്ച സ്കോറാണ് ഇംഗ്ലണ്ട് പടുത്തുയർത്തിയത്. ഓപണർമാരായ ബയർസ്റ്റോ, ജാസൻ റോയ് എന്നിവരുടെ മികവും മധ്യനിരയിൽ ഓൾറൗണ്ടർ ബെൻ സ്റ്റോക്സ് നേടിയ അർധ സെഞ്ച്വറിയും ഇംഗ്ലീഷ് സ്കോർ 337ൽ എത്തിച്ചു. നിലവിൽ മികച്ച ഫോമിലാണ് ഇംഗ്ലീഷ് ഓള്റൗണ്ടര് ബെന് സ്റ്റോക്സ്. 54 പന്തില് 79 റണ്സാണ് സ്റ്റോക്സ് ഇന്ത്യക്കെതിരെ അടിച്ചെടുത്തത്.
അതിനിടെ സ്റ്റോക്സ് നേടിയ ഒരു സിക്സാണ് ഇപ്പോൾ ആരാധകർക്കിടയിൽ ഹിറ്റായി മാറിയിരിക്കുന്നത്. സ്റ്റോക്സിന്റെ 'ക്ലാസ്' വ്യക്തമാക്കുന്നതായിരുന്നു ആ സിക്സ്.
ഇന്ത്യൻ സ്പിന്നര് യുസ്വേന്ദ്ര ചാഹല് എറിഞ്ഞ 40ാം ഓവറിലെ നാലാം പന്തിലായിരുന്നു സ്റ്റോക്സിന്റെ തകര്പ്പന് ഷോട്ട്. സ്വിച്ച് ഹിറ്റിനായി തയ്യാറെടുത്ത് നിന്നിരുന്ന സ്റ്റോക്സിന്റെ ബാറ്റിങ് പവറില് പന്ത് എക്സ്ട്രാ കവറിന് മുകളിലൂടെ ഗാലറിയിലെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates