Today's Rashi Phalam November 06| കാത്തിരുന്ന ജോലിയുടെ നിയമന ഉത്തരവ് കിട്ടും; സ്വത്ത് തർക്കങ്ങൾക്ക് പരിഹാരം

മേടക്കൂറ് (അശ്വതി, ഭരണി, കാർത്തിക 1/4)

വിവാഹകാര്യങ്ങളിൽ അനുകൂല തീരുമാനമുണ്ടാകും. തൊഴിൽ രംഗത്ത് അംഗീകാരവും സ്ഥാനക്കയറ്റത്തിന് അനുകൂല സാഹചര്യവും ഉണ്ടാകും. സഹോദരനിൽ നിന്ന് സഹായം ലഭിക്കും.

ഇടവക്കൂറ് (കാർത്തിക 3/4, രോഹിണി, മകയിരം 1/2)

കുടുംബസ്വത്ത് സംബന്ധിച്ച തർക്കങ്ങൾക്ക് പരിഹാരമുണ്ടാകും. വ്യാപാരത്തിൽ പുതിയ വിപണന സാധ്യതകൾ തുറക്കും. ബന്ധുവിന്റെ വിവാഹച്ചടങ്ങിൽ പങ്കെടുക്കുന്നതിന് അവസരമുണ്ടാകും.

മിഥുനക്കൂറ് (മകയിരം 1/2, തിരുവാതിര, പുണർതം 3/4)

വിദേശപഠനത്തിന് ശ്രമിക്കുന്നവർക്ക് പ്രവേശനാനുമതി ലഭിക്കും. മക്കളുടെ വിവാഹാലോചനകളിൽ സന്തോഷകരമായ തീരുമാനമുണ്ടാകും. കായിക മത്സരങ്ങളിൽ നേട്ടം കൈവരിക്കും .

കർക്കടക്കൂറ് (പുണർതം 1/4, പൂയം, ആയില്യം)

പുതിയ സംരംഭത്തിനായി വായ്പ ലഭിക്കുന്നതിനുള്ള നടപടികൾ അനുകൂലമാകും. ദാമ്പത്യജീവിതത്തിൽ സന്തോഷകരമായ മാറ്റങ്ങളുണ്ടാകും. ആഗ്രഹിച്ച ഭൂമി സ്വന്തമാക്കാൻ കഴിയും.

ചിങ്ങക്കൂറ് (മകം, പൂരം, ഉത്രം 1/4)

കലാരംഗത്തുള്ളവർക്ക് അംഗീകാരവും മികച്ച അവസരങ്ങളും ലഭിക്കും. ഉദ്യോഗത്തിൽ സ്ഥലം മാറ്റത്തിനുള്ള അറിയിപ്പുണ്ടാകാം. പഴയ സൗഹൃദബന്ധം പുനഃസ്ഥാപിക്കാൻ സാധിക്കും.

കന്നിക്കൂറ് (ഉത്രം 3/4, അത്തം, ചിത്തിര 1/2)

ഉപരിപഠനത്തിനായി വിദേശത്തേക്ക് പോകാനുള്ള തടസ്സങ്ങൾ മാറും. ഭൂമി സംബന്ധിച്ച രേഖകൾ കൈവശം ലഭിക്കും. അഭിമുഖത്തിൽ പങ്കെടുക്കുന്നവർക്ക് അനുകൂലമായ മറുപടി ലഭിക്കും.

തുലാക്കൂറ് (ചിത്തിര 1/2, ചോതി, വിശാഖം 1/4)

വീട് സ്വന്തമാക്കാനുള്ള ശ്രമങ്ങൾക്ക് പുരോഗതിയുണ്ടാകും. പങ്കാളിയുടെ ബന്ധുക്കളിൽനിന്ന് സന്തോഷകരമായ വാർത്ത ലഭിക്കും. വാഹനത്തിന്റെ അറ്റകുറ്റപ്പണികൾ പൂർത്തിയാക്കും.

വൃശ്ചികക്കൂറ് (വിശാഖം 3/4, അനിഴം, തൃക്കേട്ട)

പുതിയ കരാറുകൾ ഒപ്പിടുന്നതിനും വ്യാപാരം വിപുലീകരിക്കുന്നതിനും അവസരമുണ്ടാകും. സഹപ്രവർത്തകരുടെ സഹകരണത്തോടെ പ്രതിസന്ധികൾ മറികടക്കും.

ധനുക്കൂറ് (മൂലം, പൂരാടം, ഉത്രാടം 1/4)

വിവാഹാലോചനകളിൽ ഇരുകുടുംബങ്ങളുടെയും സമ്മതം ലഭിക്കും. വിദേശത്തുനിന്ന് ജോലി സംബന്ധിച്ച അറിയിപ്പുണ്ടാകും. ഓഹരി നിക്ഷേപങ്ങളിൽ നേട്ടമുണ്ടാക്കാൻ കഴിയും.

മകരക്കൂറ് (ഉത്രാടം 3/4, തിരുവോണം, അവിട്ടം 1/2)

പുതിയ ചുമതല ഏറ്റെടുക്കും. വാഹനവിൽപ്പനയിലൂടെയോ പുതിയ വാഹനം വാങ്ങുന്നതിലൂടെയോ ആഗ്രഹം സഫലമാകും. പഠന കാര്യത്തിൽ പുരോഗതിയുണ്ടാകും. വരുമാനം വർദ്ധിക്കും

കുംഭക്കൂറ് (അവിട്ടം 1/2, ചതയം, പൂരുരുട്ടാതി 3/4)

കൃഷിയിൽനിന്നുള്ള വരുമാനം വർധിക്കുന്നതിനുള്ള സാഹചര്യമുണ്ടാകും. കോടതി വ്യവഹാരങ്ങ ളിൽ അനുകൂലമായ വഴിത്തിരിവുണ്ടാകും. പുതിയൊരു പദ്ധതിക്ക് തുടക്കം കുറിക്കാനാകും.

മീനക്കൂറ് (പൂരുരുട്ടാതി 1/4, ഉത്രട്ടാതി, രേവതി)

കാത്തിരുന്ന ജോലിയുടെ നിയമന ഉത്തരവ് ലഭിക്കാൻ സാധ്യതയുണ്ട്. വിദേശയാത്രയ്ക്കുള്ള വിസ നടപടികൾ പൂർത്തിയാകും. കലാപരമായ കഴിവുകൾക്ക് അംഗീകാരം ലഭിക്കും.