ന്യൂയോര്‍ക്ക്: ഫെയ്‌സ്ബുക്കിന്റെ മാതൃ കമ്പനിയായ മെറ്റ വീണ്ടും ജീവനക്കാരെ പിരിച്ചുവിടുന്നു. ഈ ആഴ്ച തന്നെ ആയിരക്കണക്കിന് ജീവനക്കാരെ പിരിച്ചുവിടുമെന്നാണ് റിപ്പോര്‍ട്ട്. സാമ്പത്തിക പ്രതിസന്ധി പരിഹരിക്കുന്നതിന്റെ ഭാഗമായാണ് നടപടി.
സാമ്പത്തിക പ്രതിസന്ധി മറികടക്കാന്‍ നവംബറില്‍ 11,000 ജീവനക്കാരെ കമ്പനി പിരിച്ചുവിട്ടിരുന്നു. കമ്പനിയുടെ കാര്യക്ഷമത വര്‍ധിപ്പിക്കാന്‍ എന്ന പേരിലാണ് വീണ്ടും ജീവനക്കാരെ പിരിച്ചുവിടുന്നതെന്നാണ് കമ്പനിയുടെ വിശദീകരണം.
പുതുതായി പിരിച്ചുവിടുന്ന ജീവനക്കാരുടെ കാര്യത്തില്‍ അടുത്തയാഴ്ച അന്തിമ തീരുമാനം ഉണ്ടാകുമെന്നാണ് ബ്ലൂംബര്‍ഗ് റിപ്പോര്‍ട്ടില്‍ പറയുന്നത്. നവംബറില്‍ പിരിച്ചുവിടാന്‍ കമ്പനി തീരുമാനമെടുത്തു എന്ന വാര്‍ത്ത ഞെട്ടലോടെയാണ് ജീവനക്കാര്‍ കേട്ടത്. എന്നാല്‍ രണ്ടാമതും ഒരു പിരിച്ചുവിടല്‍ ഉണ്ടാവുമെന്ന കാര്യം ജീവനക്കാര്‍ പ്രതീക്ഷിച്ചിരുന്നതായാണ് റിപ്പോര്‍ട്ടുകള്‍.
പിരിച്ചുവിടേണ്ട ജീവനക്കാരുടെ പട്ടിക തയ്യാറാക്കാന്‍ ഡയറക്ടര്‍മാരോടും വൈസ് പ്രസിഡന്റുമാരോടും കമ്പനി ആവശ്യപ്പെട്ടതായാണ് വിവരം. പിരിച്ചുവിടല്‍ ഉടന്‍ തന്നെ നടപ്പാക്കാനാണ് കമ്പനി നീക്കം ആരംഭിച്ചിരിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
