ബി.കോം കഴിഞ്ഞോ? സി-ഡിറ്റിൽ അക്കൗണ്ട്സ് അസിസ്റ്റന്റ് ആകാം, ശമ്പളം 31,020 രൂപ വരെ

കരാർ അടിസ്ഥാനത്തിലാണ് നിയമനം. ഓൺലൈനായി അപേക്ഷ സമർപ്പിക്കേണ്ട അവസാന തീയതി നവംബർ 26.
 C-DIT career
B.Com Graduates Can Apply for Accounts Assistant Posts at C-DIT.ai image
Edited By:
Updated on: 
1 min read

കേരള സർക്കാരിന് കീഴിൽ പ്രവർത്തിക്കുന്ന സെന്റർ ഫോർ ഡെവലപ്മെന്റ് ഓഫ് ഇമേജിങ് ടെക്നോളജി (C-DIT) അക്കൗണ്ട്സ് അസിസ്റ്റന്റ് തസ്തികയിലേക്ക് അപേക്ഷ ക്ഷണിച്ചു. രണ്ട് ഒഴിവുകളാണുള്ളത്. ബി.കോം ബിരുദവും ടാലി സോഫ്റ്റ്‌വെയറിലെ പരിജ്ഞാനവും അക്കൗണ്ടിങ് മേഖലയിൽ പ്രവൃത്തിപരിചയവുമുള്ളവർക്ക് അപേക്ഷിക്കാം. കരാർ അടിസ്ഥാനത്തിലാണ് നിയമനം. ഓൺലൈനായി അപേക്ഷ സമർപ്പിക്കേണ്ട അവസാന തീയതി നവംബർ 26.

 C-DIT career
മറക്കല്ലേ... കൊച്ചിൻ ഷിപ്പ്‌യാർഡിൽ കാന്റീനിൽ ജോലി നേടാം; നവംബർ 24ന് നേരിട്ടെത്തുക

വിദ്യാഭ്യാസ യോഗ്യതയും പ്രായപരിധിയും

  • അംഗീകൃത സർവകലാശാലയിൽനിന്നുള്ള ബി.കോം ബിരുദമാണ് അടിസ്ഥാന യോഗ്യത.

  • ടാലി സോഫ്റ്റ്‌വെയർ ഉപയോഗിക്കുന്നതിൽ പ്രായോഗിക പരിജ്ഞാനം നിർബന്ധമാണ്.

  • ഓഫീസ് സംവിധാനത്തിൽ അക്കൗണ്ടിങ് മേഖലയിൽ കുറഞ്ഞത് രണ്ടുവർഷത്തെ പ്രവൃത്തിപരിചയവും വേണം.

  • ടാലി ഉപയോഗിച്ചുള്ള കമ്പ്യൂട്ടറൈസ്ഡ് അക്കൗണ്ടിങ്ങിൽ സർട്ടിഫിക്കേഷൻ നേടിയവർക്ക് മുൻഗണന ലഭിക്കും.

  • അപേക്ഷകന്റെ പ്രായം 40 വയസ്സ് കവിയരുത്.

  • അർഹരായ വിഭാഗങ്ങൾക്ക് സർക്കാർ മാനദണ്ഡങ്ങൾ പ്രകാരം ഉയർന്ന പ്രായപരിധിയിൽ ഇളവ് ലഭിക്കും.

 C-DIT career
ISRO-യിൽ ഫ്രഷേഴ്‌സിന് അവസരം; 400 ഒഴിവുകൾ, +2 മുതൽ യോഗ്യത

തിരഞ്ഞെടുപ്പ് രീതി

എഴുത്തുപരീക്ഷ, സ്കിൽ ടെസ്റ്റ്, അഭിമുഖം എന്നിവയിൽ ഒന്നോ ഒന്നിലധികമോ അടിസ്ഥാനമാക്കിയായിരിക്കും തിരഞ്ഞെടുപ്പ്. ലഭിക്കുന്ന അപേക്ഷകളുടെ എണ്ണം പരിഗണിച്ച് തിരഞ്ഞെടുപ്പ് രീതി സി-ഡിറ്റ് തീരുമാനിക്കും. അപേക്ഷയിൽ നൽകിയ വിവരങ്ങളും പ്രവൃത്തിപരിചയവും പരിഗണിച്ച് ഉദ്യോഗാർഥികളെ ഷോർട്ട്‌ലിസ്റ്റ് ചെയ്യും.

 C-DIT career
ഓഫീസ് അറ്റൻഡർ മുതൽ ലൈബ്രേറിയൻ വരെ; കൊച്ചിൻ ദേവസ്വം ബോർഡിൽ 22 ഒഴിവുകൾ

എങ്ങനെ അപേക്ഷിക്കാം?

താൽപര്യമുള്ള ഉദ്യോഗാർഥികൾ സി-ഡിറ്റിന്റെ ഔദ്യോഗിക കരിയർ പോർട്ടലായ careers.cdit.org വഴി ഓൺലൈനായി അപേക്ഷിക്കണം. രജിസ്ട്രേഷൻ പൂർത്തിയാക്കിയശേഷം വിദ്യാഭ്യാസ യോഗ്യതയും പ്രവൃത്തിപരിചയവും തെളിയിക്കുന്ന രേഖകൾ അപ്‌ലോഡ് ചെയ്യണം. അപേക്ഷാ ഫീസായ 300 രൂപ ഓൺലൈനായി അടച്ചശേഷം അപേക്ഷ അന്തിമമായി സമർപ്പിക്കാം.

അപേക്ഷകൾ സമർപ്പിക്കാനും കൂടുതൽ വിവരങ്ങൾക്കും വിജ്ഞാപനം സന്ദർശിക്കുക.

https://cdit.kerala.gov.in/wp-content/uploads/2026/11/Main-Accounts-Notification-22-Accounts-Assitant.pdf

Summary

B.Com Graduates Can Apply for Accounts Assistant Posts at C-DIT.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER