കാനറ ബാങ്കിൽ അപ്രന്റീസ് അകാൻ അവസരം,കേരളത്തിൽ 243 ഒഴിവുകൾ

ഇന്ത്യയിലെ മുൻനിര പൊതുമേഖലാ ബാങ്കുകളിൽ ഒന്നായ കാനറ ബാങ്കിൽ അവസരം. ഗ്രാജുവേറ്റ് അപ്രന്റീസ് തസ്തികകളിലാണ് നിയമനം നടത്തുന്നത്. 3500 ഒഴിവുകളുണ്ട്.ബാങ്കിങ് മേഖലയിൽ കരിയർ തുടങ്ങാൻ ആഗ്രഹിക്കുന്നവർക്ക് മികച്ച അവസരമാണിത്. കേരളത്തിൽ 243 ഒഴിവുകളുണ്ട്.

വിദ്യാഭ്യാസ യോഗ്യത

• അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ ബിരുദം അല്ലെങ്കിൽ തത്തുല്യമായ ഏതെങ്കിലും യോഗ്യത നേടിയിരിക്കണം.

• 2022 ജനുവരി 1-നും 2025 സെപ്റ്റംബർ 1-നുമിടയിൽ ബിരുദം നേടിയിരിക്കണം.

• മുമ്പ് അപ്രന്റീസ്ഷിപ്പ് പരിശീലനം നേടിയവരോ നിലവിൽ പരിശീലനം തുടരുന്നവരോ അപേക്ഷിക്കേണ്ടതില്ല.

• ബിരുദം പൂർത്തിയാക്കിയ ശേഷം ഒരു വർഷമോ അതിൽ കൂടുതലോ ജോലി ചെയ്ത് പരിചയമുള്ളവരും അപേക്ഷിക്കാൻ യോഗ്യരല്ല.

20 മുതൽ 28 വയസ് വരെയുള്ളവർക്ക് അപേക്ഷ നൽകാം. സംവരണ വിഭാഗത്തിൽപ്പെട്ടവർക്ക് പ്രായ പരിധിയിൽ ഇളവുകൾ ലഭിക്കും. ജനറൽ/ഒബിസി/ഇ ഡബ്ല്യു എസ് എന്നി വിഭാഗത്തിൽ ഉള്ളവർക്ക് 500 രൂപയാണ് അപേക്ഷാ ഫീസ്. മറ്റുള്ളവർക്ക് ഫീസ് ഇല്ല. കൂടുതൽ വിവരങ്ങൾക്ക് https://canarabank.bank.in സന്ദർശിക്കുക.