ഹിമാചൽ പ്രദേശ് കേന്ദ്ര സർവകലാശാലയിൽ (CUHP) വിവിധ വകുപ്പുകളിൽ അധ്യാപക തസ്തികകളിലേക്ക് അപേക്ഷ ക്ഷണിച്ചു. സ്ഥിരം നിയമനത്തിനും താൽക്കാലിക നിയമനത്തിനും അപേക്ഷ ക്ഷണിച്ചിട്ടുണ്ട്.
ഇന്ന് പുറപ്പെവെടുവിച്ച വിജ്ഞാപന പ്രകാരം ആകെ 25 ഒഴിവുകളാണ് ഉള്ളത്. ഇതിൽ 17 സ്ഥിരം തസ്തികകളിലും ലീവ് വേക്കൻസിയിൽ രണ്ടും , ലീൻ വേക്കൻസിയിൽ ആറും ഒഴിവുകളും ഉൾപ്പെടുന്നു.
പ്രൊഫസർ, അസോസിയേറ്റ് പ്രൊഫസർ, അസിസ്റ്റന്റ് പ്രൊഫസർ തസ്തികകളിൽ ഒഴിവുകളുണ്ട്. 12 വകുപ്പുകളിലായാണ് ഈ ഒഴിവുകൾ റിപ്പോർട്ട് ചെയ്തിട്ടുള്ളത്.
അനിമൽ സയൻസ്, ബിസിനസ് സ്കൂൾ, ഹിസ്റ്ററി, ന്യൂമീഡിയ, കശ്മീർ സ്റ്റഡീസ്, യോഗ,കമ്പ്യൂട്ടർ സയൻസ് ആൻഡ് ഇൻഫോർമാറ്റിക്സ്, ഡിസാസ്റ്റർമാനേജ്മെന്റ്, ലോ, മാത്തമാറ്റിക്സ്, പൊളിറ്റിക്കൽ സയൻസ്,എജ്യൂക്കേഷൻ എന്നീ വകുപ്പുകളിലാണ് ഈ തസ്തികകളിലെ ഒഴിവുകൾ.
ഓരോ തസ്തികയ്ക്കും നിശ്ചിത യോഗ്യതകളും പ്രവൃത്തി പരിചയവും ആവശ്യമാണ്. താൽപ്പര്യമുള്ള ഉദ്യോഗാർത്ഥികൾക്ക് ഓൺലൈനായി അപേക്ഷ സമർപ്പിക്കാവുന്നതാണ്. ഏപ്രിൽ 27 ആണ് അപേക്ഷ നൽകേണ്ട അവസാന തീയതി.സിയു ചായൻ പോർട്ടൽ വഴി വേണം അപേക്ഷ സമർപ്പിക്കേണ്ടത്.
പ്രൊഫസർ തസ്തികയിൽ ആകെ ആറ് ഒഴിവുകളാണ് ഉള്ളത്. അനിമൽ സയൻസ്, ബിസിനസ് സ്കൂൾ, ഹിസ്റ്ററി, ന്യൂമീഡിയ, കശ്മീർ സ്റ്റഡീസ്, യോഗ എന്നീ വിഷയങ്ങളിലാണ് പ്രൊഫസർ തസ്തികയിൽ ഒഴിവുകളുള്ളത്. ഓരോ വിഭാഗത്തിലും ഓരോ ഒഴിവുകൾ വീതമാണ് ഉള്ളത്.
അസോസിയേറ്റ് പ്രൊഫസർ തസ്തികയയിൽ ആകെ അഞ്ച് ഒഴിവുകളാണ് ഉള്ളത്. കമ്പ്യൂട്ടർ സയൻസ് ആൻഡ് ഇൻഫോർമാറ്റിക്സ്, ഡിസാസ്റ്റർമാനേജ്മെന്റ്, ലോ, മാത്തമാറ്റിക്സ്, പൊളിറ്റിക്കൽ സയൻസ് എന്നീ വിഷയങ്ങളിലാണ് ഒഴിവുകളുള്ളത്. എല്ലാ വിഭാഗത്തിലും ഓരോ ഒഴിവുകൾ വീതമാണ്
അസിസ്റ്റന്റ് പ്രൊഫസർ തസ്തികയിൽ ആകെ ആറ് ഒഴിവുകളാണ് ഉള്ളത്. ഡിസാസ്റ്റർ മാനേജ്മെന്റ്, ലോ, എജ്യൂക്കേഷൻ എന്നീ വകുപ്പുകളിലാണ് ഒഴിവുകളുള്ളത്.
ഇതിൽ എജ്യൂക്കേഷനിൽ ഒരു ഒഴിവും ഡിസാസ്റ്റർ മാനേജ്മെന്റിൽ രണ്ട് ഒഴിവുകളും ലോ വകുപ്പിൽ മൂന്ന് ഒഴിവുകളുമാണ് ഉള്ളത്.
സ്ഥിരം നിയമനത്തിന് പുറമെ ലീവ് വേക്കൻസിയിൽ രണ്ട് ഒഴിവുകൾ കരാർ അടിസ്ഥാനത്തിലും ലീൻ വേക്കൻസിയിൽ ആറ് തസ്തികകളിലും ഒഴിവുകൾ വിജ്ഞാപനം ചെയ്തിട്ടുണ്ട്.
ലൈബ്രറി ആൻഡ് ഇൻഫർമേഷൻ സയൻസ്. കമ്പ്യൂട്ടർ സയൻസ്, ഇൻഫോർമാറ്റിക്സ് എന്നീ വിഷയങ്ങളിൽ ഓരോ തസ്തിക വീതം അസിസ്റ്റന്റ് പ്രൊഫസർ ഒഴിവുകളാണ് ലീവ് വേക്കൻസിയിലുള്ളത്.
ലൈബ്രറി ആൻഡ് ഇൻഫർമേഷൻ സയൻസ്. കമ്പ്യൂട്ടർ സയൻസ്, ഇൻഫോർമാറ്റിക്സ് എന്നീ വിഷയങ്ങളിൽ ഓരോ തസ്തിക വീതം അസോസിയേറ്റ് പ്രൊഫസർ തസ്തിയിലും വിഷ്വൽ ആർട്സ്, സംസ്കൃതം, പഞ്ചാബി ആൻഡ് ഡോങ്ഗ്രി,ഇക്കണോമിക്സ് എന്നീ വകുപ്പുകളിൽ ഓരോ തസ്തിക വീതം അസിസ്റ്റന്റ് പ്രൊഫസർ ഒഴിവുകളുമാണ് ലീൻ വേക്കൻസിയിൽ ഉള്ളത്.
പ്രൊഫസർ: അക്കാദമിക് ലെവൽ-14 : 1,44,200- 2,18,200 രൂപ സ്കെയിൽ
അസോസിയേറ്റ് പ്രൊഫസർ: അക്കാദമിക് ലെവൽ-13A :. 1,31,400- 2,17,100 രൂപ സ്കെയിൽ
അസിസ്റ്റന്റ് പ്രൊഫസർ: അക്കാദമിക് ലെവൽ-10 : 57,700 -1,82,400 രൂപ സ്കെയിൽ
പ്രൊഫസർ
ബന്ധപ്പെട്ട വിഷയത്തിൽ പിഎച്ച്.ഡി.
കുറഞ്ഞത് 10 ഗവേഷണ പ്രസിദ്ധീകരണങ്ങൾ
ഗവേഷണ സ്കോർ: 120
പ്രവൃത്തി പരിചയം: 10 വർഷത്തെ അധ്യാപന/ഗവേഷണ പരിചയം
അസോസിയേറ്റ് പ്രൊഫസർ
55% മാർക്കോടെ ബിരുദാനന്തര ബിരുദം,പിഎച്ച്ഡി
കുറഞ്ഞത് 7 ഗവേഷണ പ്രസിദ്ധീകരണങ്ങൾ
ഗവേഷണ സ്കോർ: 75
പ്രവൃത്തി പരിചയം: എട്ട് വർഷത്തെ അധ്യാപന/ഗവേഷണ പരിചയം
അസിസ്റ്റന്റ് പ്രൊഫസർ
55% മാർക്കോടെ ബിരുദാനന്തര ബിരുദം
NET/SLET/SET അവശ്യം (പിഎച്ച്ഡി. ഇളവ് ബാധകമല്ലെങ്കിൽ)
പ്രോസസ്സിങ് ഫീസ് 250 രൂപയും പരീക്ഷാ ഫീസ് ആയി 1,500 രൂപയും ഉൾപ്പടെ ആകെ 1750 രൂപയാണ് അപേക്ഷാ ഫീസ്.
സ്ത്രീകൾ, എസ് സി, എസ് ടി, പിഡബ്ല്യുഡി എന്നീ വിഭാഗങ്ങൾക്ക് പ്രോസസിങ് ഫീസ് ഒഴിവാക്കിയിട്ടുണ്ട്. ഈ വിഭാഗങ്ങളിൽ നിന്നുള്ളവർ 1,500 രൂപ ഒടുക്കിയാൽ മതിയാകും.
ഓൺലൈനായി അപേക്ഷ സമർപ്പിക്കേണ്ട അവസാന തീയതി : ഏപ്രിൽ 27
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
