കേന്ദ്ര സർവകലാശാലയിൽ പ്രോജക്ട് ഫെല്ലോ ഒഴിവ്; എം.എസ്‌സി കെമിസ്ട്രി യോഗ്യത

കേരള കേന്ദ്ര സർവകലാശാലയിലെ സ്കൂൾ ഓഫ് ഫിസിക്കൽ സയൻസസിന് കീഴിലുള്ള കെമിസ്ട്രി വിഭാഗത്തിൽ പ്രോജക്ട് ഫെല്ലോ തസ്തികയിൽ നിയമനം നടത്തുന്നു. ഡി.ബി.ടി സ്പോൺസർ ചെയ്യുന്ന പദ്ധതിയിലേക്കാണ് നിയമനം. നിയമനം താൽക്കാലികമാണ്. പ്രാരംഭമായി ഒരു വർഷത്തേക്കാണ് നിയമനം, ഉദ്യോഗാർഥിയുടെ പ്രകടനം വിലയിരുത്തിയ ശേഷം പദ്ധതി പൂർത്തിയാകുന്നതുവരെ കാലാവധി നീട്ടാം. അപേക്ഷകൾ സമർപ്പിക്കേണ്ട അവസാന തീയതി ഓഗസ്റ്റ് 18

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

പ്രോജക്ട് ഫെല്ലോ

ഒഴിവുകളുടെ എണ്ണം - ഒന്ന്

ശമ്പളം: പ്രതിമാസം 25,000 രൂപ ഫെല്ലോഷിപ്പും എച്ച്.ആർ.എയും

പദ്ധതിയുടെ കാലാവധി: 16 മാസം അല്ലെങ്കിൽ പദ്ധതി പൂർത്തിയാകുന്നതുവരെ, ഇതിൽ ഏതാണോ ആദ്യം അത് വരെയാണ്.

യോഗ്യത: അംഗീകൃത സർവകലാശാലയിൽ നിന്ന് എം.എസ്‌സി കെമിസ്ട്രിയാണ് അടിസ്ഥാന യോഗ്യത.

മുൻഗണന: NET യോഗ്യതയുള്ളവർക്കും സിന്തസിസ്, ഐസൊലേഷൻ, പ്യൂരിഫിക്കേഷൻ, കെമിക്കൽ/ബയോഫിസിക്കൽ അനാലിസിസ് എന്നിവയിൽ പരിചയമുള്ളവർക്കും മുൻഗണന ലഭിക്കും.

അപേക്ഷകൾ പരിഗണിച്ച് ഷോർട്ട്‌ലിസ്റ്റ് ചെയ്യുന്ന ഉദ്യോഗാർഥികളെ മാത്രമേ ഓൺലൈൻ അഭിമുഖത്തിന് വിളിക്കൂ. താൽപര്യമുള്ളവർക്ക് ഗൂഗിൾ ഫോം വഴി അപേക്ഷ സമർപ്പിക്കാം. തെരഞ്ഞെടുക്കപ്പെടുന്നവർ ജോയിൻ ചെയ്യുന്ന സമയത്ത് അസൽ സർട്ടിഫിക്കറ്റുകൾ ഹാജരാക്കണം.

ഗൂഗിൾ ഫോം

https://docs.google.com/forms/d/e/1FAIpQLSefwLIk1AHQHMzjabYTWYJb_mwUhUkOPWn1T4rWdLk9D2mbzA/viewform

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക

https://www.cukerala.ac.in/EventDetails?Id=4120