ഇന്ത്യൻ റെയിൽവേയുടെ കീഴിലുള്ള ചിത്തരഞ്ജൻ ലോക്കോമോട്ടീവ് വർക്സ് (CLW) സ്പോർട്സ് ക്വാട്ടയിൽ വിവിധ തസ്തികകളിൽ നിയമനം നടത്തുന്നു. വിവിധ കായിക ഇനങ്ങളിൽ മികവ് തെളിയിച്ചവർക്ക് ആണ് അവസരം. ലെവൽ 5/4, ലെവൽ 2, ലെവൽ 1 എന്നീ വിഭാഗങ്ങളിൽ ആയി അകെ 25 ഒഴിവുകളാണ് ഉള്ളത്. അപേക്ഷ സമർപ്പിക്കേണ്ട അവസാന തീയതി ഓഗസ്റ്റ് 20.
ആർച്ചറി- 4 ഒഴിവുകൾ
ബാഡ്മിന്റൺ – 4 ഒഴിവുകൾ
ബാസ്കറ്റ്ബോൾ – 7 ഒഴിവുകൾ
ഗോൾഫ് – 1 ഒഴിവ്
ഫുട്ബോൾ- 3 ഒഴിവുകൾ
ജിംനാസ്റ്റിക്സ് – 3 ഒഴിവുകൾ
നീന്തൽ – 2 ഒഴിവുകൾ
ഷൂട്ടിംഗ് – 1 ഒഴിവ്
യോഗ്യത
ലെവൽ 5/4 തസ്തികകളിലേക്ക് അംഗീകൃത സർവകലാശാലയിൽ നിന്നുള്ള ഏതെങ്കിലും വിഷയത്തിലെ ബിരുദമാണ് യോഗ്യത. ലെവൽ 2 തസ്തികകൾക്ക് പ്ലസ് ടു/12-ാം ക്ലാസ് യോഗ്യത ആവശ്യമാണ്. ലെവൽ 1 തസ്തികകൾക്ക് പത്താം ക്ലാസ്, ഐടിഐ അല്ലെങ്കിൽ NCVTയുടെ നാഷണൽ അപ്രന്റിസ്ഷിപ്പ് സർട്ടിഫിക്കറ്റ് ഉള്ളവർക്ക് അപേക്ഷിക്കാം.
പ്രായപരിധി: 2026 ജനുവരി ഒന്നിന് 18നും 25നും ഇടയിൽ പ്രായമുള്ളവരായിരിക്കണം.
കായിക യോഗ്യത: 2024 ഏപ്രിൽ ഒന്നിന് ശേഷമുള്ള കായിക നേട്ടങ്ങളാണ് പരിഗണിക്കുക. തസ്തികയുടെ ലെവലിനനുസരിച്ച് ദേശീയ, അന്തർദേശീയ മത്സരങ്ങളിലെ പ്രകടനമാണ് പ്രധാന മാനദണ്ഡം.
അപേക്ഷാ ഫീസ്: എസ്സി, എസ്ടി, വിമുക്തഭടന്മാർ, PwBD, വനിതകൾ, ന്യൂനപക്ഷ വിഭാഗങ്ങൾ, സാമ്പത്തികമായി പിന്നാക്ക വിഭാഗങ്ങൾ എന്നിവർക്ക് 250 രൂപ. മറ്റ് ഉദ്യോഗാർഥികൾക്ക് 500 രൂപ. IPO/ബാങ്ക് ഡിമാൻഡ് ഡ്രാഫ്റ്റ് മുഖേനയാണ് ഫീസ് അടയ്ക്കേണ്ടത്.
അപേക്ഷിക്കേണ്ട വിധം: നിശ്ചിത മാതൃകയിലുള്ള അപേക്ഷ പൂരിപ്പിച്ച് തപാൽ മുഖേനയോ CLW ഓഫീസിലെ ഡ്രോപ്പ് ബോക്സ് വഴിയോ സമർപ്പിക്കണം. അപേക്ഷകൾ ലഭിക്കേണ്ട വിലാസം: Chief Personnel Officer, Administrative Building, Chittaranjan Locomotive Works, P.O. Chittaranjan, District Paschim Bardhaman, West Bengal – 713331
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
https://clw.indianrailways.gov.in/uploads/Sports%20Quota%20Notification%202026%2020271.pdf
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
