കുടുംബ കോടതിയിൽ ഡഫേദാർ നിയമനം നേടാം; വിരമിച്ചവർക്ക് അവസരം

എറണാകുളം ജില്ലാ കോടതിയുടെ കീഴിലുള്ള ആലുവ കുടുംബ കോടതിയിൽ ഡഫേദാർ തസ്തികയിലേക്ക് താൽക്കാലിക കരാർ നിയമനത്തിന് അപേക്ഷ ക്ഷണിച്ചു. നീതിന്യായ വകുപ്പിൽ നിന്നും സമാനമായതോ ഉയർന്നതോ ആയ തസ്തികകളിൽ ജോലി ചെയ്ത് വിരമിച്ച അർഹരായ ഉദ്യോഗാർത്ഥികൾക്കാണ് അവസരം. അപേക്ഷകൾ സമർപ്പിക്കേണ്ട അവസാന തീയതി ഓഗസ്റ്റ് 10.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

തസ്തിക: ഡഫേദാർ (ഒഴിവ് - 1)

പ്രതിമാസ ശമ്പളം: ₹20,280/-

നിയമന കാലാവധി: 179 ദിവസത്തേക്ക് മാത്രം (കരാർ അടിസ്ഥാനത്തിൽ)

പ്രായപരിധി: 62 വയസ്സ് പൂർത്തിയാകാൻ പാടുള്ളതല്ല

അപേക്ഷിക്കേണ്ട വിധം:
കേരള പി.എസ്.സി നിഷ്കർഷിച്ചിട്ടുള്ള യോഗ്യതയുള്ള ഉദ്യോഗാർത്ഥികൾ, വിജ്ഞാപനത്തിനൊപ്പമുള്ള മാതൃകയിലുള്ള അപേക്ഷാ ഫോം പൂരിപ്പിച്ച് സമർപ്പിക്കേണ്ടതാണ്. വയസ്സ്, യോഗ്യത, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ അപേക്ഷയോടൊപ്പം ഉള്ളടക്കം ചെയ്യണം.

അപേക്ഷകൾ നേരിട്ടോ തപാൽ മാർഗ്ഗമോ താഴെ പറയുന്ന വിലാസത്തിൽ അയക്കാവുന്നതാണ്:

ജില്ലാ ജഡ്ജ്, ജില്ലാ കോടതി, എറണാകുളം - 682011

അപേക്ഷ അയക്കുന്ന കവറിനു മുകളിൽ "ഡഫേദാർ-താത്കാലിക നിയമനത്തിനുള്ള അപേക്ഷ" എന്ന് വ്യക്തമായി രേഖപ്പെടുത്തിയിരിക്കണം. ഓഗസ്റ്റ് 10 വൈകുന്നേരം 5 മണി വരെ ലഭിക്കുന്ന അപേക്ഷകൾ മാത്രമേ പരിഗണിക്കുകയുള്ളൂ. വൈകി ലഭിക്കുന്ന അപേക്ഷകൾ യാതൊരു കാരണവശാലും സ്വീകരിക്കുന്നതല്ലെന്ന് അധികൃതർ അറിയിച്ചു.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://cdnbbsr.s3waas.gov.in/s3ec01dc6a7e655d7e5840e66733e9ee67/uploads/2026/07/2026072930.pdf