കേന്ദ്ര പൊതുമേഖലാ സ്ഥാപനവും മഹാരത്ന കമ്പനിയുമായ ഗ്യാസ് അതോറിറ്റി ഓഫ് ഇന്ത്യ ലിമിറ്റഡിൽ ( ഗെയിൽ- GAIL) ജോലി ചെയ്യാൻ അവസരം.
ഗ്യാസ് അതോറിറ്റി ഓഫ് ഇന്ത്യ ലിമിറ്റഡിൽ ( ഗെയിൽ- GAIL) എക്സിക്യൂട്ടീവ് ട്രെയിനി തസ്തികയിലെ ഒഴിവുകൾ നികത്തുന്നതിന് അപേക്ഷ ക്ഷണിച്ചു. ആകെ 70 ഒഴിവുകളാണ് ഉള്ളത്.
കെമിക്കൽ, ഇൻസ്ട്രുമെന്റേഷൻ,ഇലക്ട്രിക്കൽ,മെക്കാനിക്കൽ തസ്തികളിലാണ് എക്സിക്യൂട്ടീവ് ട്രെയിനി നിയമനം. നിർദ്ദിഷ്ട വിഭാഗങ്ങളിൽ എൻജിനീയറിങ് ബിരുദവും സാധുവായ ഗേറ്റ് സ്കോറും ഉള്ളവർക്ക് അപേക്ഷിക്കാം. ഗെയിൽ ഔദ്യോഗിക വെബ്സൈറ്റ് വഴി ഓൺലൈനായി വേണം അപേക്ഷിക്കേണ്ടത്. മാർച്ച് 18 വരെ അപേക്ഷിക്കാം.
തസ്തികയുടെ പേര് : എക്സിക്യൂട്ടീവ് ട്രെയിനി
ഒഴിവുകകളുടെ എണ്ണം : 70
എക്സിക്യൂട്ടീവ് ട്രെയിനി (കെമിക്കൽ) :17
എക്സിക്യൂട്ടീവ് ട്രെയിനി (ഇൻസ്ട്രുമെന്റേഷൻ): 21
എക്സിക്യൂട്ടീവ് ട്രെയിനി (ഇലക്ട്രിക്കൽ) :16
എക്സിക്യൂട്ടീവ് ട്രെയിനി (മെക്കാനിക്കൽ) :16
ശമ്പളം: 60,000 - 1,80,000 രൂപ സ്കെയിലിൽ
യോഗ്യത:കെമിക്കൽ, പെട്രോകെമിക്കൽ, ഇൻസ്ട്രുമെന്റേഷൻ, ഇലക്ട്രിക്കൽ, മെക്കാനിക്കൽ എന്നീ വിഷയങ്ങളിലോ അനുബന്ധ വിഷയങ്ങളിലോ എൻജിനീയറിങ് ബിരുദം.
ഉദ്യോഗാർത്ഥികൾ 2025 ൽ ബിരുദം പൂർത്തിയാക്കിയിരിക്കണം അല്ലെങ്കിൽ നിലവിൽ അവസാന വർഷത്തിലായിരിക്കണം (2025-26).
അംഗീകൃത സ്ഥാപനങ്ങളിൽ നിന്ന് റഗുലർ കോഴ്സുകളിൽ പഠിച്ചവരായിരിക്കണം.
ഗേറ്റിൽ സാധുവായ സ്കോർ ഉണ്ടാകണം.
പ്രായ പരിധി: 26 വയസ്സ് (18-03-2026 അടിസ്ഥാനമാക്കി)
മാനദണ്ഡങ്ങൾക്ക് അനുസൃതമായി അർഹതയുള്ളവർക്ക് പ്രായപരിധിയിൽ ഇളവ് ലഭിക്കും.
ഓൺലൈൻ ആയി അപേക്ഷ സമർപ്പിക്കാനുള്ള അവസാന തീയതി : മാർച്ച് 18
