പ്രതിരോധ മന്ത്രാലയത്തിന് കീഴിൽ അപ്രന്റിസ്ഷിപ്പിന് അവസരം; 50 ഒഴിവുകൾ, ഓഗസ്റ്റ് 28 വരെ അപേക്ഷിക്കാം

പ്രതിരോധ മന്ത്രാലയത്തിന് കീഴിൽ പ്രവർത്തിക്കുന്ന പൂനെയിലുള്ള ഹൈ എനർജി മെറ്റീരിയൽസ് റിസർച്ച് ലബോറട്ടറി (HEMRL) ഗ്രാജ്വേറ്റ് അപ്രന്റിസ്ഷിപ്പിന് അപേക്ഷ ക്ഷണിച്ചു. ഒരു വർഷത്തേക്കാണ് നിയമനം. ബി.ഇ, ബി-ടെക്ക് തുടങ്ങിയ യോഗ്യതകൾ ഉള്ളവർക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി ഓഗസ്റ്റ് 28.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

ഒഴിവുകൾ

• ബി.ഇ / ബി.ടെക് (കെമിക്കൽ എഞ്ചിനീയറിങ് / കെമിക്കൽ ടെക്നോളജി): 10 ഒഴിവുകൾ

• ബി.എസ്.സി (കെമിസ്ട്രി): 09 ഒഴിവുകൾ

• ബി.ഇ / ബി.ടെക് (മെക്കാനിക്കൽ എഞ്ചിനീയറിങ്): 08 ഒഴിവുകൾ

• ബി.ഇ / ബി.ടെക് (കംപ്യുട്ടർ & ഇൻഫർമേഷൻ സയൻസ് /കംപ്യുട്ടർ എഞ്ചിനീയറിങ്) / ബി.എസ്.സി (കംപ്യുട്ടർ സയൻസ്): 05 ഒഴിവുകൾ

• ബി.ഇ / ബി.ടെക് (ഇലക്ട്രോണിക്സ് & ടെലികമ്മ്യൂണിക്കേഷൻ): 03 ഒഴിവുകൾ

• ബി.എ (B.A.): 03 ഒഴിവുകൾ

• ബി.കോം (B.Com): 03 ഒഴിവുകൾ

• ബി.ഇ / ബി.ടെക് (എയ്റോസ്പേസ് / എയ്റോനോട്ടിക്കൽ): 02 ഒഴിവുകൾ

• ബി.ഇ / ബി.ടെക് (ഇലക്ട്രിക്കൽ / ഇലക്ട്രിക്കൽ & ഇൻസ്ട്രുമെന്റേഷൻ): 02 ഒഴിവുകൾ

• ബി.ഇ / ബി.ടെക് (സിവിൽ എഞ്ചിനീയറിങ്): 02 ഒഴിവുകൾ

• ലൈബ്രറി സയൻസ് (BLIS): 02 ഒഴിവുകൾ

• ബി.ബി.എ (BBA): 01 ഒഴിവ്

യോഗ്യതകൾ

• അപേക്ഷകനെ 18 വയസ്സ് തികഞ്ഞിരിക്കണം.

• റഗുലർ കോഴ്സ് വഴി 2022, 2023, 2024, 2025, 2026 വർഷങ്ങളിൽ വിജയിച്ചവർക്ക് മാത്രമേ അപേക്ഷിക്കാൻ അർഹതയുള്ളൂ.

• ഉയർന്ന യോഗ്യതയുള്ളവർ, നിലവിൽ എവിടെയെങ്കിലും അപ്രന്റിസ്ഷിപ്പ് ചെയ്യുന്നവർ, അല്ലെങ്കിൽ ഒരു വർഷത്തിൽ കൂടുതൽ ജോലി പരിചയമുള്ളവർ എന്നിവർക്ക് അപേക്ഷിക്കാൻ യോഗ്യതയില്ല.

• ഫലം കാത്തിരിക്കുന്നവർക്കും അപേക്ഷിക്കാനാകില്ല.

തെരഞ്ഞെടുപ്പ് പ്രക്രിയ

മാർക്കിന്റെ അടിസ്ഥാനത്തിലോ (Merit), എഴുത്തുപരീക്ഷ വഴിയോ, ഇന്റർവ്യൂ വഴിയോ ആയിരിക്കും ഉദ്യോഗാർത്ഥികളെ തെരഞ്ഞെടുക്കുക. കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക

https://drdo.gov.in/drdo/sites/default/files/vacancy/advtHEMRL10082026.pdf