RCF Recruitment: പ്രതിമാസം ₹60,000 സ്റ്റൈപ്പൻഡോടെ ജോലി; ആർ.സി.എഫിൽ 94 ട്രെയിനി ഒഴിവുകൾ

പൊതുമേഖലാ സ്ഥാപനമായ രാഷ്ട്രീയ കെമിക്കൽസ് ആൻഡ് ഫെർട്ടിലൈസേഴ്സ് ലിമിറ്റഡ് (RCF) വിവിധ വിഭാഗങ്ങളിലായി 94 മാനേജ്മെന്റ് ട്രെയിനി തസ്തികകളിലേക്ക് അപേക്ഷ ക്ഷണിച്ചു. കെമിക്കൽ, മെക്കാനിക്കൽ, ഇലക്ട്രിക്കൽ, ഇൻസ്ട്രുമെന്റേഷൻ, സിവിൽ, ഇൻഫർമേഷൻ ടെക്നോളജി, ഫിനാൻസ്, മാർക്കറ്റിംഗ്, രാജ്ഭാഷ തുടങ്ങി 14 വിഭാഗങ്ങളിലായാണ് നിയമനം. യോഗ്യതയുള്ള ഉദ്യോഗാർഥികൾക്ക് ഓഗസ്റ്റ് 8 മുതൽ 24 വരെ ഓൺലൈനായി അപേക്ഷ സമർപ്പിക്കാം.

ഒഴിവുകളും വിദ്യാഭ്യാസ യോഗ്യതയും

• കെമിക്കൽ – 32 ഒഴിവുകൾ: കെമിക്കൽ എഞ്ചിനീയറിങ്ങിൽ ബി.ഇ./ബി.ടെക്.

• ബോയിലർ – 6 ഒഴിവുകൾ: കെമിക്കൽ/പെട്രോകെമിക്കൽ/മെക്കാനിക്കൽ/ഇലക്ട്രിക്കൽ/ഇൻസ്ട്രുമെന്റേഷൻ എഞ്ചിനീയറിങ്ങിൽ ബി.ഇ./ബി.ടെക്, കൂടാതെ ബോയിലർ ഓപ്പറേഷൻ എഞ്ചിനീയർ സർട്ടിഫിക്കറ്റ്.

• മെക്കാനിക്കൽ – 4 ഒഴിവുകൾ: മെക്കാനിക്കൽ എഞ്ചിനീയറിങ്ങിൽ ബി.ഇ./ബി.ടെക്.

• ഇലക്ട്രിക്കൽ – 10 ഒഴിവുകൾ: ഇലക്ട്രിക്കൽ എഞ്ചിനീയറിങ്ങിൽ ബി.ഇ./ബി.ടെക്.

• ഇൻസ്ട്രുമെന്റേഷൻ – 9 ഒഴിവുകൾ: ഇൻസ്ട്രുമെന്റേഷൻ എഞ്ചിനീയറിങ്ങിൽ ബി.ഇ./ബി.ടെക്.

• മെറ്റീരിയൽസ് – 1 ഒഴിവ്: ബന്ധപ്പെട്ട എഞ്ചിനീയറിങ് വിഷയത്തിൽ ബി.ഇ./ബി.ടെക്.

• സിവിൽ – 1 ഒഴിവ്: സിവിൽ എഞ്ചിനീയറിങ്ങിൽ ബി.ഇ./ബി.ടെക്.

• ഫയർ – 1 ഒഴിവ്: ഫയർ/ഫയർ ആൻഡ് സേഫ്റ്റി എഞ്ചിനീയറിങ്ങിൽ ബി.ഇ./ബി.ടെക്.

• സി.സി. ലാബ് – 1 ഒഴിവ്: കെമിസ്ട്രിയിൽ പി.എച്ച്.ഡി. അല്ലെങ്കിൽ കെമിക്കൽ എഞ്ചിനീയറിങ്ങിൽ ബി.ഇ./ബി.ടെക്.

• ഇൻഡസ്ട്രിയൽ എഞ്ചിനീയറിങ് – 2 ഒഴിവുകൾ: ഇൻഡസ്ട്രിയൽ എഞ്ചിനീയറിങ്ങിൽ ബി.ഇ./ബി.ടെക് അല്ലെങ്കിൽ ബന്ധപ്പെട്ട പി.ജി. യോഗ്യത.

• ഇൻഫർമേഷൻ ടെക്നോളജി – 5 ഒഴിവുകൾ: കംപ്യുട്ടർ സയൻസ്/ഇൻഫർമേഷൻ ടെക്നോളജിയിൽ ബി.ഇ./ബി.ടെക്.

• രാജ്ഭാഷ – 2 ഒഴിവുകൾ: ഹിന്ദി അല്ലെങ്കിൽ ഇംഗ്ലീഷിൽ ബിരുദാനന്തര ബിരുദം.

• ഫിനാൻസ് – 10 ഒഴിവുകൾ: സി.എ./സി.എം.എ. അല്ലെങ്കിൽ കൊമേഴ്സ് ബിരുദവും എം.ബി.എ (ഫിനാൻസ്) യോഗ്യതയും.

• മാർക്കറ്റിംഗ് – 10 ഒഴിവുകൾ: സയൻസ്/എഞ്ചിനീയറിങ്/അഗ്രികൾച്ചർ ബിരുദവും എം.ബി.എ (മാർക്കറ്റിംഗ്/അഗ്രി ബിസിനസ് മാനേജ്മെന്റ്) യോഗ്യതയും.

ശമ്പളവും ആനുകൂല്യങ്ങളും

തെരഞ്ഞെടുക്കപ്പെടുന്ന മാനേജ്മെന്റ് ട്രെയിനികൾക്ക് പരിശീലന കാലയളവിൽ പ്രതിമാസം 60,000 രൂപ സ്റ്റൈപ്പൻഡ് ലഭിക്കും. പരിശീലനം വിജയകരമായി പൂർത്തിയാക്കിയാൽ 40,000–1,40,000 രൂപ ശമ്പള സ്കെയിലിൽ നിയമനം ലഭിക്കും. അലവൻസുകൾ ഉൾപ്പെടെ പ്രതിമാസം ഏകദേശം 86,320 വരെ ശമ്പളം ലഭിക്കും. കൂടാതെ സൗജന്യ താമസം, മെഡിക്കൽ സൗകര്യം, പി.എഫ്, ഗ്രാറ്റുവിറ്റി, പെൻഷൻ, ഇൻഷുറൻസ് തുടങ്ങിയ ആനുകൂല്യങ്ങളും ലഭിക്കും.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.rcfltd.com/files/MT%202026.pdf