സൈബർ ഫോറൻസിക്കിൽ വിദഗ്ധരാകാം; ഒരു വർഷത്തെ കോഴ്സ്, ഐഎച്ച്ആർഡിയിൽ പി ജി ഡിപ്ലോമ

ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സ് ഡെവലപ്മെന്റിന്റെ (IHRD) തിരുവനന്തപുരം മുട്ടടയിലുള്ള സെന്ററിൽ പോസ്റ്റ് ഗ്രാജുവേറ്റ് ഡിപ്ലോമ ഇൻ സൈബർ ഫോറൻസിക്‌സ് ആൻഡ് സെക്യൂരിറ്റി കോഴ്‌സിന് അപേക്ഷ ക്ഷണിച്ചു. കോഴ്സിന്റെ കാലാവധി ഒരു വർഷമാണ്.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

ബി.ടെക്, എം.ടെക്, എം.സി.എ, ബി.എസ്.സി കംപ്യുട്ടർ സയൻസ്, എം.എസ്.സി കംപ്യുട്ടർ സയൻസ് എന്നിവയിൽ യോഗ്യത നേടിയവർക്ക് അപേക്ഷിക്കാം. അവസാന സെമസ്റ്റർ പരീക്ഷ എഴുതി ഫലം കാത്തിരിക്കുന്ന വിദ്യാർത്ഥികൾക്കും അപേക്ഷിക്കാം. ഇവർ അഡ്മിഷൻ/കൗൺസിലിംഗ് സമയത്ത് അവസാന സെമസ്റ്റർ വരെയുള്ള അസൽ മാർക്ക് ലിസ്റ്റുകൾ ഹാജരാക്കണം.

താത്പര്യമുള്ളവർ https://skillcentre.ihrd.ac.in എന്ന വെബ്സൈറ്റ് വഴി ഓൺലൈനായി രജിസ്റ്റർ ചെയ്യണം. കൂടുതൽ വിവരങ്ങൾക്ക്: 8547005087, 9495069307, 8136882389, 0471-2550612.