വെറ്ററിനറി, കാർഷിക മേഖലയിൽ കരിയർ തുടങ്ങാം, ഡിപ്ലോമ,പിജി കോഴ്സുകൾ; കേരളത്തിൽ പഠിക്കാം

കേരള വെറ്ററിനറി ആൻഡ് ആനിമൽ സയൻസസ് യൂണിവേഴ്സിറ്റി 2026-27 അക്കാദമിക് വർഷത്തെ വിവിധ പ്രോഗ്രാമുകളിലേക്ക് പ്രവേശനത്തിനുള്ള വിജ്ഞാപനം പ്രസിദ്ധീകരിച്ചു. ബിരുദ, ബിരുദാനന്തരബിരുദ, ഡിപ്ലോമ, പി.ജി. ഡിപ്ലോമ കോഴ്സുകളിലേക്കാണ് പ്രവേശനം.

ബി.എസ്.സി (ഓണേഴ്സ്)

• സ്പെഷ്യലൈസേഷൻ: പൗൾട്രി പ്രൊഡക്ഷൻ ആൻഡ് ബിസിനസ് മാനേജ്മെന്റ്.

• സ്ഥാപനം: ഏവിയൻ സയൻസ് ആൻഡ് മാനേജ്മെന്റ് (തിരുവാഴാംകുന്ന്).

• സീറ്റ്: 44

• കാലാവധി: 4 വർഷം (ഫുൾടൈം)

• യോഗ്യത: 50 ശതമാനം മാർക്കോടെ പ്ലസ്ടു/വി.എച്ച്.എസ്.ഇ. (ബയോളജി സ്ട്രീമിൽ).

കോഴ്സിന്റെ ഒരുവർഷം പൂർത്തിയാക്കുന്നവർക്ക് പൗൾട്രി പ്രൊഡക്ഷൻ ആൻഡ് ബിസിനസ് മാനേജ്മെന്റിൽ യു.ജി. സർട്ടിഫിക്കറ്റും രണ്ട് വർഷം പൂർത്തിയാക്കുന്നവർക്ക് യു.ജി.ഡിപ്ലോമ സർട്ടിഫിക്കറ്റും മൂന്നുവർഷം പൂർത്തിയാക്കുന്നവർക്ക് ബിരുദവും നാലുവർഷം പൂർത്തിയാക്കുന്നവർക്ക് ബി.എസ്സി (ഓണേഴ്സ്) ബിരുദവും ലഭിക്കും.

ഡിപ്ലോമ - കാലാവധി 2 വർഷം

ഡയറി സയൻസ് (സീറ്റ്: 60)

• മണ്ണുത്തി വെറ്ററിനറി കോളജ്: 30 സീറ്റ്

• പൂക്കോട് വെറ്ററിനറി കോളജ്: 30 സീറ്റ്

• യോഗ്യത: പ്ലസ്ടു ബയോളജി / വി.എച്ച്.എസ്.ഇ (ലൈവ്സ്റ്റോക്ക് മാനേജ്മെന്റ് / ഡയറി ഹസ്ബൻഡറി).

ലബോറട്ടറി ടെക്നിക്സ് (സീറ്റ്: 30)

• മണ്ണുത്തി വെറ്ററിനറി കോളജ്.

• യോഗ്യത: ബയോളജി ഒരു വിഷയമായുള്ള പ്ലസ്ടു/വി.എച്ച്.എസ്.ഇ വിജയം.

ഫീഡ് ടെക്നോളജി (സീറ്റ്: 20)

• മണ്ണുത്തി വെറ്ററിനറി കോളജ്.

• യോഗ്യത: പ്ലസ്ടു/വി.എച്ച്.എസ്.ഇ വിജയം (മെക്കാനിക്കൽ/ഇലക്ട്രിക്കൽ/സോഫ്റ്റ്‌വെയർ എൻജിനീയറിങ് ഡിപ്ലോമ, ഐ.ടി.ഐ. അധികയോഗ്യത).

മറ്റ് വിവരങ്ങൾ:

• ഒരുവർഷം പൂർത്തിയാക്കിയാൽ സർട്ടിഫിക്കറ്റ് നേടി എക്സിറ്റ് ഓപ്ഷൻ തിരഞ്ഞെടുക്കാം. അഞ്ച് ആഴ്ചത്തെ പരിശീലന കോഴ്സ് ഇതിലുണ്ടാകും.

• രണ്ട് വർഷം പൂർത്തിയാക്കുന്നവർക്ക് ഡിപ്ലോമ ലഭിക്കും.

തെരഞ്ഞെടുപ്പ്

• സർവകലാശാല നടത്തുന്ന പ്രവേശനപരീക്ഷ വഴി. ഒരു മണിക്കൂർ ദൈർഘ്യമുള്ള മൾട്ടിപ്പിൾ ചോയ്സ് പരീക്ഷ. പരീക്ഷയ്ക്ക് 40 ശതമാനം മാർക്ക് നേടണം.

• പരീക്ഷാ കേന്ദ്രം: മണ്ണുത്തി, പൂക്കോട് വെറ്ററിനറി കോളേജുകൾ.

• പരീക്ഷാ തീയതി: ജൂലൈ 07-ന് രാവിലെ 10-ന് ഡിപ്ലോമ പ്രോഗ്രാമിലേക്ക് പരീക്ഷ നടക്കും. ജൂലൈ 11-ന് റാങ്ക്‌ലിസ്റ്റ് പ്രസിദ്ധീകരിക്കും.

എം.എസ്.സി. പ്രോഗ്രാമുകൾ

1.ബയോസ്റ്റാറ്റിസ്റ്റിക്സ് (സീറ്റ്: 10)

യോഗ്യത: പൗൾട്രി ക്ലിനിക്കൽ ആൻഡ് അപ്ലൈഡ് സ്റ്റാറ്റിസ്റ്റിക്സ് / ഡാറ്റാ സയൻസസ് / മാത്തമാറ്റിക്സ് ആൻഡ് സ്റ്റാറ്റിസ്റ്റിക്സ് (മെയിൻ/ട്രിപ്പിൾ മെയിൻ/കോർ) ബിരുദം. സ്റ്റാറ്റിസ്റ്റിക്സ് ഒരു വിഷയമായി പഠിച്ചിരിക്കണം.

2.ക്വാളിറ്റി കൺട്രോൾ ഇൻ ഡയറി ഇൻഡസ്ട്രി (സീറ്റ്: 6)

യോഗ്യത: ബി.ടെക് (ഡയറി സയൻസ് ആൻഡ് ടെക്നോളജി) / ബി.എസ്സി. / ബി.വോക്. (ഡയറി സയൻസ് / മൈക്രോബയോളജി / ബയോടെക്നോളജി / ഫുഡ് സയൻസ് / നൂട്രീഷൻ ആൻഡ് ഡയറ്റെറ്റിക്സ് / കെമിസ്ട്രി).

3.ബയോകെമിസ്ട്രി ആൻഡ് മോളിക്യുലാർ ബയോളജി (സീറ്റ്: 10)

യോഗ്യത: ബയോകെമിസ്ട്രി / ബയോടെക്നോളജി / ജനറ്റിക്സ് / മോളിക്യുലാർ ബയോളജി / സുവോളജി / കെമിസ്ട്രി സ്ട്രീമിൽ ബിരുദം.

4.അപ്ലൈഡ് മൈക്രോബയോളജി (സീറ്റ്: 10)

യോഗ്യത: മൈക്രോബയോളജി / സുവോളജി / ബോട്ടണി / ബയോടെക്നോളജി / വെറ്ററിനറി സയൻസ് / അഗ്രികൾച്ചർ / അനുബന്ധ ലൈഫ് സയൻസ് വിഷയങ്ങളിൽ ബിരുദം.

5.അനിമൽ ബയോടെക്നോളജി (സീറ്റ്: 10)

യോഗ്യത: ബയോകെമിസ്ട്രി / ബയോടെക്നോളജി / ജനറ്റിക്സ് / മോളിക്യുലാർ ബയോളജി / സുവോളജി / കെമിസ്ട്രി / ലൈഫ് സയൻസ് വിഷയങ്ങളിൽ ബിരുദം.

6.അനിമൽ സയൻസ് (സീറ്റ്: 11)

യോഗ്യത: ബി.വി.എസ്സി. ആൻഡ് എ.എച്ച്. / ലൈഫ് സയൻസസ് ബിരുദം, ബി.എസ്സി. (പൗൾട്രി പ്രൊഡക്ഷൻ ആൻഡ് ബിസിനസ് മാനേജ്മെന്റ്).

7.അപ്ലൈഡ് ടോക്സികോളജി (സീറ്റ്: 10)

യോഗ്യത: ബി.വി.എസ്സി. ആൻഡ് എ.എച്ച്. / എം.ബി.ബി.എസ്. / ബി.ഫാം. / ലൈഫ് സയൻസിൽ ബിരുദം.

എം.എസ്. (M.S.) പ്രോഗ്രാം

• സ്പെഷ്യലൈസേഷൻ: വൈൽഡ് ലൈഫ് സ്റ്റഡീസ് (Wildlife Studies)

• സീറ്റ്: 11

• കാലാവധി: നാല് സെമസ്റ്ററുകളിലായി രണ്ട് വർഷം.

• എക്സിറ്റ് ഓപ്ഷൻ: ഒരു വർഷത്തിനുശേഷം തിരഞ്ഞെടുത്ത വിഷയത്തിൽ പി.ജി. ഡിപ്ലോമ നേടി കോഴ്സ് അവസാനിപ്പിക്കാം.

യോഗ്യത:

• ബയോസയൻസിൽ ബിരുദം (ബോട്ടണി, സുവോളജി, വെറ്ററിനറി സയൻസ്, ഫോറസ്ട്രി).

• ബി.എസ്സി. പൗൾട്രി പ്രൊഡക്ഷൻ ആൻഡ് ബിസിനസ് മാനേജ്മെന്റ്.

പി.ജി. ഡിപ്ലോമ - ഒരു വർഷം

• വെറ്ററിനറി കാർഡിയോളജി (സീറ്റ്: 3)

• മണ്ണുത്തി വെറ്ററിനറി കോളേജ്.

• യോഗ്യത: ബി.വി.എസ്സി ആൻഡ് എ.എച്ച് / ബി.വി.എസ്സി, വി.സി.ഐ/കെ.വി.സി രജിസ്ട്രേഷൻ.

വെറ്ററിനറി അനസ്തേഷ്യോളജി (സീറ്റ്: 2)

• പൂക്കോട് വെറ്ററിനറി കോളേജ്.

• യോഗ്യത: ബി.വി.എസ്സി ആൻഡ് എ.എച്ച് / ബി.വി.എസ്സി, വി.സി.ഐ/കെ.വി.സി രജിസ്ട്രേഷൻ.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

കൂടുതൽ വിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കുക.

https://www.kvasu.ac.in/