ഇവി ടെക്നോളജി: ബോംബെ ഐഐടിയിൽ നിന്ന് ഓൺലൈനായി പഠിക്കാം, ഇ-പോസ്റ്റ് ഗ്രാജുവേറ്റ് ഡിപ്ലോമ നേടാം

ഇലക്ട്രിക് വാഹനങ്ങളുടെ സാങ്കേതിക വിദ്യ (ഇവി ടെക്നോളജി) ബോംബെ ഐ ഐ ടിയിൽ നിന്നും ഓൺലൈനായി പഠിച്ച് ഇ- പോസ്റ്റ് ​ഗ്രാജ്വേറ്റ് ഡിപ്ലോമ നേടാം. ഓൺലൈൻ കോഴ്സിന് പുറമെ പ്രായോ​ഗിക പഠനവും ഇതിൽ ഉൾപ്പെടുന്നു. ഐഐടി ബോംബെ ഫാക്കൽറ്റി രൂപകൽപ്പന ചെയ്തതാണ് ഈ കോഴ്സ്. ഓൺലൈനായി നടത്തുന്ന ഈ കോഴ്സി​ന്റെ കാലാവധി 18 മാസമാണ്.

ജോലി ചെയ്യുന്ന പ്രൊഫഷണലുകൾക്കായി രൂപകൽപ്പന ചെയ്‌തിരിക്കുന്നതാണ് ഇ-മൊബിലിറ്റി ഡിപ്ലോമ കോഴ്സ്. ഐഐടി ബോംബെയുടെ ഇ-പോസ്റ്റ് ഗ്രാജുവേറ്റ് ഡിപ്ലോമ ഇൻ ഇ-മൊബിലിറ്റി എന്ന ഇ-ഇവി കോഴ്‌സ്, ഓൺലൈൻ കോഴ്‌സ്, പ്രായോഗിക പഠനം, കരിയർ പുരോ​ഗതിക്കുള്ള അവസരങ്ങൾ എന്നിവയ്‌ക്കൊപ്പം വ്യവസായ കേന്ദ്രീകൃത ഇവി സാങ്കേതിക പരിശീലനവും പഠിതാക്കൾക്ക് ഐഐടി പൂർവ്വ വിദ്യാർത്ഥി പദവിയും ഉൾപ്പെടുന്നു.

യോഗ്യത

എഞ്ചിനീയറിംഗ് അല്ലെങ്കിൽ ടെക്നോളജിയിൽ നിർദ്ദിഷ്ടവിഷയവുമായി ബന്ധപ്പെട്ട് ബി.ഇ. / ബി.ടെക് ബിരുദം അല്ലെങ്കിൽ നാല് വർഷത്തെ ബി.എസ്‌സി / ബി.എസ് ബിരുദം നേടിയിരിക്കണം.

എഞ്ചിനീയറിംഗ്അല്ലെങ്കിൽ ടെക്നോളജിയുടെ നിർദ്ദിഷ്ട മേഖലയിൽ ബിരുദാനന്തര ബിരുദം (എം.ടെക് / എം.എസ്‌സി / എംഎസ്), ഡോക്ടറേറ്റ് ബിരുദമുള്ളവർക്കും അപേക്ഷിക്കാം. അപേക്ഷ ഓൺലൈനായി സമർപ്പിക്കണം.

ഈ ഇ-പോസ്റ്റ് ഗ്രാജുവേറ്റ് ഡിപ്ലോമയ്ക്ക് ആറ് കോഴ്സുകളിലായി 36 ഐഐടി ബോംബെ ക്രെഡിറ്റുകൾ വിജയകരമായി പൂർത്തിയാക്കണം: ഇതിൽ രണ്ട് കോർ കോഴ്സുകളും നാല് ഇലക്റ്റീവുകളും ഉൾപ്പെടുന്നു.

പാഠ്യപദ്ധതി

ഇ - മൊബിലിറ്റിയുടെ ആമുഖം

ഇലക്ട്രിക് മൊബിലിറ്റിക്ക് വേണ്ടിയുള്ള സാങ്കേതികവിദ്യയുടെ നിർമ്മാണം (കാ‍ർ ബോഡി, ബാറ്ററി, മോട്ടോ‍ർ പോലുള്ളവയുടെ നിർമ്മാണം)

ഇ.വി. ആപ്ലിക്കേഷനുകൾക്കുള്ള പവർ ഇലക്ട്രോണിക് കൺവെർട്ടറുകൾ

ഇലക്ട്രിക് വെഹിക്കിൾ ഗ്രിഡ് ഇന്റഗ്രേഷൻ

ഇലക്ട്രിക് വാഹനങ്ങൾക്കുള്ള ഇലക്ട്രിക് ഡ്രൈവുകൾ

ഇ-വെഹിക്കിൾ സ്റ്റൈലിങ്ങും ഡിസൈനും

പ്രായോ​ഗിക പഠന പ്രോജക്ടുകൾ

വെഹിക്കിൾ സബ് സിസ്റ്റം മോഡലിങ്

സിമുലേഷൻ ഓഫ് പവ‍ർ ഇലക്ട്രോണിക് സിസ്റ്റംസ്

ഇവി ചാ‍ർജറുകളുടെ മോഡലിങ്ങും കൺട്രോളും

എംബഡഡ് കൺട്രോൾ ഫോർ ഇലക്ട്രിക് മോട്ടോഴ്സ്

ബാറ്ററി മോഡലിങ് ടെക്നിക്ക്സ് ആൻഡ് ഡീ​ഗ്രഡേഷൻ ഫിനോമിനൻ

ഇംപാക്ട് അസസ്മെ​ന്റ് ഓഫ് ഇവി ഓൺ ​ഗ്രിഡ് ഇൻഫ്രാസ്ട്രക്ച്ച‍ർ

ഇ-പോസ്റ്റ് ഗ്രാജുവേറ്റ് ഡിപ്ലോമ പ്രധാന ഘടകങ്ങൾ

ഐഐടി ബോംബെ ഫാക്കൽറ്റി രൂപകൽപ്പന ചെയ്ത് ജോലി ചെയ്യുന്ന പ്രൊഫഷണലുകൾക്കായി രൂപകൽപ്പന ചെയ്‌തിരിക്കുന്ന ഓൺലൈൻ സിൻക്രണസ് കോഴ്സാണ്

ആറ് കോഴ്‌സുകളാണ് പാഠ്യപദ്ധതിയിൽ ഉൾപ്പെടുത്തിയിരിക്കുന്നത്.

പഠിതാക്കളുടെ പ്രൊഫഷണൽ നെറ്റ്‌വർക്ക് വികസിപ്പിക്കുന്നതിനായി പിയർ-ടു-പിയർ പഠനം

ഒരു പ്രോഗ്രാം മാനേജരുടെ വ്യക്തിഗത സഹായം

അക്കാദമിക് ബാങ്ക് ഓഫ് ക്രെഡിറ്റുകളിൽ (ABC) സേവ് ചെയ്യാൻ കഴിയുന്ന വ്യക്തിഗത കോഴ്‌സ് ക്രെഡിറ്റുകൾ നേടാം

ക്യാമ്പസിൽ നടത്തുന്ന ബിരുദദാന ചടങ്ങ്

ഐ ഐ ടി ബോംബെ പൂർവ്വ വിദ്യാർത്ഥി പദവി

ഐ ഐ ടി ബോംബെയുടെ ലാറ്ററൽ ഗ്രൂപ്പിൽ പ്രവേശനം

30,000 രൂപ രജിസ്ട്രേഷൻ ഫീസായി അടയ്ക്കണം കോഴ്സ് സംബന്ധിച്ച് ഓഫർ ലെറ്റർ കിട്ടി ഏഴ് ദിവസത്തിനകം ഈ തുക ഒടുക്കണം.

ആകെ ഉള്ള ആറ് കോഴ്സുകളിൽ ഓരോ കോഴ്സും ആരംഭിക്കുന്ന സമയത്ത് 95,000 രൂപ വീതം ഫീസ് അടയ്ക്കണം.

ഓൺലൈനായി അപേക്ഷ സമർപ്പിക്കാനുള്ള അവസാന തിയ്യതി ഓ​ഗസ്റ്റ് 20 ആണ്

വിശദവിവരങ്ങൾക്ക്: https://www.ee.iitb.ac.in/web/labs/epgd-mobility/