മഹാരാഷ്ട്ര എയർപോർട്ട് ഡെവലപ്‌മെന്റ് കമ്പനിയിൽ 33 ഒഴിവുകൾ, അഭിമുഖത്തിലൂടെ നിയമനം; ഏപ്രിൽ ആറിനകം അപേക്ഷിക്കണം

മഹാരാഷ്ട്ര എയർപോർട്ട് ഡെവലപ്‌മെന്റ് കമ്പനി ലിമിറ്റഡ് (MADC- എംഎഡിസി) 33 ഒഴിവുകളിലേക്ക് അപേക്ഷ ക്ഷണിച്ചു കൊണ്ട് വിജ്ഞാപനം പ്രസിദ്ധീകരിച്ചു. ആകെ 13 തസ്തികകളിലായാണ് ഒഴിവുകൾ ഉള്ളത്. ഇതിൽ സ്ഥിരം നിയമനവും കരാർ നിയമനവും ഉൾപ്പെടുന്നു.

എയർപോർട്ട് പ്രവർത്തനങ്ങൾ, സേഫ്റ്റി, എൻജിനീയറിങ്, ഫിനാൻസ്, പ്ലാനിങ എന്നിവയിലെ വിവിധ തസ്തികകളിലെ ഒഴിവുകൾ നികത്തുന്നതിനാണ് അപേക്ഷ ക്ഷണിച്ചിട്ടുള്ളത്.

ചീഫ് സെക്യൂരിറ്റി ഓഫീസർ, അസിസ്റ്റന്റ് എക്‌സിക്യൂട്ടീവ് എൻജിനീയർ (സിവിൽ), മാനേജർ (ടെർമിനൽ ഓപ്പറേഷൻസ്), സേഫ്റ്റി ഓഫീസർ, ഡെപ്യൂട്ടി പ്ലാനർ. ഡ്യൂട്ടി മാനേജർ, അസിസ്റ്റ​ന്റ് മാനേജർ,സീനിയർ മാനേജർ, അസിസ്റ്റ​ന്റ് അക്കൗണ്ട്സ് ക്ലാർക്ക്, അസിസ്റ്റ​ന്റ് അക്കൗണ്ട്സ് ഓഫീസർ തുടങ്ങിയ തസ്തികകളിലാണ് ഒഴിവുകൾ ഉള്ളത്.

ആകെയുള്ള 13 തസ്തികകളിൽ ഏഴ് തസ്തികകളിൽ സ്ഥിരം നിയമനവും ആറ് തസ്തികകളിൽ കരാർ നിയമനവും നടത്തുന്നതിനാണ് അപേക്ഷ ക്ഷണിച്ചിട്ടുള്ളത്.

അപേക്ഷ ഓഫ് ലൈനായി തപാലിൽ വേണം സമർപ്പിക്കേണ്ടത്. സ്പീഡ് പോസ്റ്റിൽ അപേക്ഷ സമർപ്പിക്കണമെന്നാണ് മഹാരാഷ്ട്ര എയർപോർട്ട് ഡെവലപ്‌മെന്റ് കമ്പനി വിജ്ഞാപനത്തിൽ വ്യക്തമാക്കിയിട്ടുള്ളത്.

സ്പീഡ് പോസ്റ്റ് വഴി ലഭിക്കുന്ന അപേക്ഷകളിൽ നിന്നും ചുരുക്കപ്പട്ടിക തയ്യാറാക്കും. ആ പട്ടികയിൽ നിന്നുള്ളവരെ വ്യക്തിഗത അഭിമുഖത്തിന് ക്ഷണിക്കും. വ്യക്തിഗത അഭിമുഖം അടിസ്ഥാനമാക്കിയായിരിക്കും നിയമനം.

ആകെയുള്ള 33 ഒഴിവുകളിൽ ഏഴ് തസ്തികകളിലെ സ്ഥിരം നിയമനങ്ങളിൽ 13 ഒഴിവുകളും ആറ് തസ്തികകളിലെ കരാർ നിയമനങ്ങളിൽ 20 ഒഴിവുകളുമാണ് ഉള്ളത്.

സ്ഥിരം നിയമനത്തിലേക്കുള്ള തസ്തികകളും ഒഴിവുകളുടെ എണ്ണവും

ചീഫ് സെക്യൂരിറ്റി ഓഫീസർ: 02

അസിസ്റ്റന്റ് എക്സിക്യൂട്ടീവ് എൻജിനീയർ (സിവിൽ): 02

മാനേജർ (ടെർമിനൽ ഓപ്പറേഷൻസ്): 01

സേഫ്റ്റി ഓഫീസർ: 03

സീനിയർ മാനേജർ (ഫിനാൻസ് ആൻഡ് അക്കൗണ്ട്സ്) :01

അസിസ്റ്റന്റ് അക്കൗണ്ട്സ് ഓഫീസർ : 02

സീനിയർ അക്കൗണ്ട്സ് ക്ലർക്ക്: 02

കരാർ നിയമനത്തിലുള്ള തസ്തികകളും ഒഴിവുകളുടെ എണ്ണവും

അസിസ്റ്റന്റ് മാനേജർ 1 (എയർസൈഡ് ഓപ്പറേഷൻസ്) : 02

അസിസ്റ്റന്റ് മാനേജർ 2 (എയർസൈഡ് ഓപ്പറേഷൻസ്): 05

അസിസ്റ്റന്റ് മാനേജർ - 2 (ടെർമിനൽ ഓപ്പറേഷൻസ്) : 07

ഡ്യൂട്ടി മാനേജർ - എയർസൈഡ് (സൂപ്പർവൈസർ) :02

ഡ്യൂട്ടി മാനേജർ - ടെർമിനൽ (സൂപ്പർവൈസർ) : 02

ഡെപ്യൂട്ടി പ്ലാനർ: 02

അപേക്ഷ ലഭിക്കേണ്ട അവസാന തീയതി : ഏപ്രിൽ ആറ്

അപേക്ഷ സമർപ്പിക്കേണ്ട രീതി

ഔദ്യോഗിക അറിയിപ്പ് പ്രകാരം, ഓൺലൈൻ അപേക്ഷാ ലിങ്ക് ലഭ്യമല്ല. ഉദ്യോഗാർത്ഥികൾ അവരുടെ വിശദമായ സിവിയുടെ ഹാർഡ് കോപ്പി നിർദ്ദിഷ്ട ഫോർമാറ്റിൽ സ്വയം സാക്ഷ്യപ്പെടുത്തിയ രേഖകൾ സഹിതം സ്പീഡ് പോസ്റ്റ് വഴി അയ്ക്കണം.

അപേക്ഷ സമർപ്പിക്കേണ്ട വിലാസം

Vice Chairman and Managing Director

Maharashtra Airport Development Company Ltd.

8th Floor, Centre-1, World Trade Centre – 1,

Cuffe Parade, Mumbai – 400 005

വിജ്ഞാപനം വിശദമായി വായിക്കാൻ

ഔദ്യോഗിക വെബ്സൈറ്റ് ഇവിടെ കാണാം