ആർമിയിൽ ചേരാൻ നിങ്ങളുടെ കുട്ടിക്ക് ആഗ്രഹമുണ്ടോ?; മിലിട്ടറി കോളജിൽ എട്ടാം ക്ലാസ് പ്രവേശനം നേടാം!

ഡെറാഡൂണിലെ രാഷ്ട്രീയ ഇന്ത്യൻ മിലിട്ടറി കോളജിൽ (RIMC) 8-ാം ക്ലാസ് പ്രവേശനത്തിന് ഇപ്പോൾ അപേക്ഷിക്കാം. ചെറുപ്പം മുതൽ സൈനിക മേഖലയിൽ പ്രവേശനം സ്വപ്നം കാണുന്ന വിദ്യാർഥികൾക്ക് ഒരു മികച്ച അവസരമാണ്. അക്കാദമിക് വിദ്യാഭ്യാസത്തോടൊപ്പം അച്ചടക്കം, നേതൃത്വം, ശാരീരികക്ഷമത, കായികം, ടീം വർക്ക് തുടങ്ങിയ മേഖലകളിൽ കുട്ടികൾക്ക് പരീശീലനം കൂടി ഇവിടെ നിന്ന് ലഭിക്കും.

പെൺകുട്ടികൾക്കും ആൺകുട്ടികുട്ടികൾക്കും പ്രവേശനം നേടാം. 02/07/2013 നും 01/01/2015 നും ഇടയിൽ ജനിച്ചവർ ആയിരിക്കണം. എഴുത്തു പരീക്ഷയുടെ അടിസ്ഥാനത്തിലാണ് പ്രവേശനം. ഇംഗ്ലീഷ്, ഗണിതം, ജനറൽ നോളജ് എന്നി വിഷയങ്ങളിലാണ് പരീക്ഷയിൽ ഉള്ളത്. അകെ 400 മാർക്കിനാണ് പരീക്ഷ. എഴുത്തുപരീക്ഷയ്ക്ക് ശേഷം അഭിമുഖവും മെഡിക്കൽ പരിശോധനയും ഉണ്ടാകും.

പഠനത്തോടൊപ്പം നാഷണൽ ഡിഫൻസ് അക്കാദമി ഉൾപ്പെടെയുള്ള വിവിധ പ്രതിരോധ സേനകളിലെ പ്രവേശന പരീക്ഷകൾക്കും തയ്യാറെടുക്കാൻ വേണ്ട പരിശീലനവും ഇവിടെ നിന്ന് ലഭിക്കും. 2027 ജൂലൈ മാസത്തിൽ ആണ് 8-ാം ക്ലാസ് പ്രവേശനത്തിനുള്ള പരീക്ഷ നടക്കുന്നത്. യോഗ്യതാപരീക്ഷ തിരുവനന്തപുരം പൂജപ്പുരയുള്ള പരീക്ഷാ കമ്മീഷണറുടെ ഓഫീസിൽ വച്ച് ഡിസംബർ 6ന് നടക്കും.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://exams.nta.nic.in/RIMCEE/