ന്യൂഡല്ഹി: ബോളിവുഡ് നടി സോനം കപൂറിന്റെ വീട്ടില് നിന്ന് രണ്ടര കോടിയോളം രൂപയുടെ ആഭരണങ്ങള് കവര്ന്ന സംഭവത്തില് നഴ്സ് അറസ്റ്റില്. ഡല്ഹി അമൃത ഷെര്ഗില് മാര്ഗിലുള്ള വീട്ടില് അമ്മയെ പരിചരിക്കാനെത്തിയ നഴ്സ് അപര്ണ റൂത്ത് വില്സനും ഭര്ത്താവ് നരേഷ് സാഗര് എന്നിവരാണ് അറസ്റ്റിലായതെന്ന് ഡിസിപി അമൃത ഗുഗുലോത്ത് പറഞ്ഞു.
ഫെബ്രുവരി 11നാണ് കവര്ച്ച നടന്നത്. സംഭവം ശ്രദ്ധയില്പ്പെട്ടതിന് പിന്നാലെ സോനവും ഭര്ത്താവും വ്യവസായിയുമായ ആനന്ദ് അഹൂജയും ചേര്ന്ന തുഗ്ലക്ക് റോഡ് പൊലീസ് സ്റ്റേഷനില് പരാതി നല്കിയിരുന്നു. തുടര്ന്ന് നടത്തിയ അന്വേഷണത്തിലാണ് പ്രതികള് പിടിയിലായത്.
സരിതാ വിഹാറില് ചൊവ്വാഴ്ച രാത്രി ഡല്ഹി പൊലീസും പ്രത്യേക അന്വേഷണസംഘവും നടത്തിയ പരിശോധനയ്ക്കിടെയാണ് പ്രതികളെ അറസ്റ്റ് ചെയ്തത്. ഇവരില് നിന്ന് കവര്ച്ച നടത്തിയ ആഭരണങ്ങളും പണവും ഇനിയും കണ്ടെത്താനുണ്ടെന്ന് പൊലീസ് പറഞ്ഞു. സംഭവത്തില് കൂടുതല് അന്വേഷണം നടക്കുകയാണെന്നും വീട്ടിലെ മുഴുവന് ജോലിക്കാരെയും ചോദ്യം ചെയ്തതായി പൊലീസ് പറഞ്ഞു.
ഈ വാര്ത്ത വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ