പാട്ടിലും കൈവച്ച് ശ്രീശാന്ത്, സണ്ണി ലിയോണി ചിത്രത്തിലൂടെ ​ഗായകനാവുന്നു

ബോളിവുഡ് സിനിമയായ 'ഐറ്റം നമ്പര്‍ വണ്‍' എന്ന ചിത്രത്തിന് വേണ്ടിയാണ് ശ്രീശാന്ത് പാടുന്നത്
ചിത്രം: ഫേയ്സ്ബുക്ക്
ചിത്രം: ഫേയ്സ്ബുക്ക്

മികച്ച ഫാസ്റ്റ് ബൗളർ എന്ന നിലയിൽ മാത്രമല്ല ഡാൻസിലും അഭിനയത്തിലുമെല്ലാം ഇതിനോടകം ശ്രീശാന്ത് കഴിവു തെളിയിച്ചിട്ടുണ്ട്. ഇപ്പോൾ ഇതാ പാട്ടുപാടി അമ്പരപ്പിക്കാനൊരുങ്ങുകയാണ് താരം.  ബോളിവുഡ് സിനിമയായ 'ഐറ്റം നമ്പര്‍ വണ്‍' എന്ന ചിത്രത്തിന് വേണ്ടിയാണ് ശ്രീശാന്ത് പാടുന്നത്. കൊച്ചിയിലായിരുന്നു റെക്കോർഡിങ്. 

ബാലുരാന്‍ തിരക്കഥയെഴുതി സംവിധാനം ചെയ്യുന്ന ഐറ്റം നമ്പര്‍ വണ്‍ എന്ന ചിത്രത്തിൽ സണ്ണി ലിയോൺ ആണ് പ്രധാനകഥാപാത്രത്തെ അവതരിപ്പിക്കുന്നത്. സുനില്‍ വര്‍മ, രാജ്പാല്‍ യാധവ് എന്നിവരും പ്രധാന കഥാപാത്രങ്ങളായി എത്തുന്നത്. ശ്രീശാന്തും ചിത്രത്തിൽ അഭിനയിക്കുന്നുണ്ട്. സിനിമയുടെ ചിത്രീകരണം ജുലൈയില്‍ തുടങ്ങും. 

ഇതിനോടകം ബോളിവുഡിൽ ഉൾപ്പടെ നിരവധി സിനിമകളിൽ ശ്രീശാന്ത് അഭിനയിച്ചിട്ടുണ്ട്. നയൻതാര, വിജയ് സേതുപതി, സാമന്ത എന്നിവർ പ്രധാന വേഷത്തിലെത്തുന്ന ‘കാതുവാക്കിലെ രണ്ടു കാതൽ’ എന്ന ചിത്രത്തിലും ശ്രീശാന്ത് എത്തുന്നുണ്ട്. മുഹമ്മദ് മുബി എന്ന് പേര് നൽകിയിരിക്കുന്ന കഥാപാത്രത്തെയാണ് ശ്രീശാന്ത് അവതരിപ്പിക്കുന്നത്. സാമന്തയുടെ ആൺസുഹൃത്തിന്റെ വേഷത്തിലാണ് ശ്രീശാന്ത് സിനിമയിൽ പ്രത്യക്ഷപ്പെടുന്നത്. 

ഈ വാര്‍ത്ത കൂടി വായിക്കൂ

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com