കേരള രാജ്യാന്തര ചലച്ചിത്ര മേളയുടെ ഉദ്ഘാടനത്തിന് ഭാവനയുടെ അപ്രതീക്ഷിത എൻട്രി ആഘോഷമാക്കുകയാണ് മലയാളികൾ. വർഷങ്ങൾക്കു ശേഷമാണ് താരം പൊതുവേദിയിൽ പ്രത്യക്ഷപ്പെടുന്നത്. സിനിമാതാരങ്ങൾ ഉൾപ്പടെ നിരവധി പേരാണ് താരത്തെ പ്രശംസിച്ചുകൊണ്ട് രംഗത്തെത്തിയത്. നടി പാർവതി തിരുവോത്തിന്റെ കുറിപ്പാണ് ശ്രദ്ധനേടുന്നത്.
ഇത് നിന്റെ ഇടമാണ് എന്നാണ് ചലച്ചിത്ര മേളയിലെ വിഡിയോ പങ്കുവച്ചുകൊണ്ട് താരം കുറിച്ചത്. മലയാള സിനിമയിലേക്ക് തിരിച്ചുവരുന്ന ഭാവനയെ പാർവതി സ്വാഗതം ചെയ്തു. തടയാനാകില്ല, വെൽകം ബാക്ക് ഭാവന. ഇത് നിന്റെ ഇടമാണ്. നിന്റെ കഥ- എന്നാണ് പാർവതി കുറിച്ചത്.
പാർവതിയെ കൂടാതെ നിരവധി താരങ്ങളാണ് ഭാവനയ്ക്ക് ആശംസകൾ കുറിച്ചിരിക്കുന്നത്. റിമ കല്ലിങ്കൽ, മഞ്ജു വാര്യർ, ഗീതു മോഹൻദാസ് തുടങ്ങിയവരും ഭാവനയുടെ വിഡിയോ പങ്കുവെച്ചിരുന്നു. പോരാട്ടത്തിന്റെ പെൺപ്രതീകം എന്ന് അഭിസംബോധന ചെയ്തുകൊണ്ടാണ് ചലച്ചിത്ര അക്കാദമി ചെയർമാൻ രഞ്ജിത്ത് ഭാവനയെ വേദിയിലേക്ക് ക്ഷണിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ