മലയാളത്തിൽ നിന്ന് എത്തി തെന്നിന്ത്യൻ സിനിമാലോകം കീഴടക്കിയ താരമാണ് അമല പോൾ. ഇപ്പോൾ ബോളിവുഡ് അരങ്ങേറ്റത്തിന് ഒരുങ്ങുകയാണ് താരം. തമിഴിൽ സൂപ്പർഹിറ്റായി മാറിയ ലോകേഷ് കനകരാജിന്റെ കൈതിയുടെ ഹിന്ദി റീമേക്കിലാണ് താരം നായികയായി എത്തുന്നത്. ഭോലാ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നതും അഭിനയിക്കുന്നതും അജയ് ദേവ്ഗൺ ആണ്.
ഡിസംബറിൽ തുടങ്ങുന്ന അടുത്ത ഷെഡ്യൂളിൽ ആകും താരം ടീമിനൊപ്പം ചേരുക. ചിത്രത്തില്‍ അമല ചെയ്യുന്ന കഥാപാത്രം വളരെ പ്രാധാന്യമുള്ളതാണെന്നാണ് റിപ്പോർട്ടുകൾ. റൺവേ 34ന് ശേഷം അജയ് ദേവ്ഗൺ സംവിധാനം ചെയ്യുന്ന നാലാമത്തെ ചിത്രമാണിത്. അജയും തബുവുമാണ് ചിത്രത്തിൽ പ്രധാന വേഷത്തിലെത്തുക. ചിത്രത്തിലെ റിലീസ് തിയതി പുറത്തുവിട്ടിട്ടില്ല.
മലയാളത്തിലും തമിഴിവുമായി നിരവധി ചിത്രങ്ങളാണ് അമലപോളിന്റേതായി എത്താനുള്ളത്. മമ്മൂട്ടി നായകനാകുന്ന ക്രിസ്റ്റഫര്‍, പൃഥ്വിരാജിന്റെ ആടുജീവിതം, ചെമ്പന്‍ വിനോദിനൊപ്പം ടീച്ചര്‍, നീരജ് മാധവിനൊപ്പം ദ്വിജ എന്നിവയാണ് അമലാ പോൾ പ്രധാന വേഷത്തിലെത്തുന്ന മലയാള ചിത്രങ്ങൾ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
