ബോളിവുഡ് സുന്ദരി മലൈക അറോറയുടെ 49ാം ജന്മദിനമാണ് ഇന്ന്. നിരവധി പേരാണ് താരത്തിന് പിറന്നാള്‍ ആശംസകള്‍ അറിയിച്ചിരിക്കുന്നത്. ആരാധകരുടെ മനം കവരുന്നത് മലൈകയുടെ കാമുകിയും നടനുമായ അര്‍ജുന്‍ കപൂറിന്റെ പിറന്നാള്‍ ആശംസയാണ്.
മലൈകയ്‌ക്കൊപ്പം ഫോട്ടോയ്ക്ക് പോസ് ചെയ്യുന്ന ചിത്രത്തിനൊപ്പമാണ് അര്‍ജുന്‍ കപൂറിന്റെ പോസ്റ്റ്. ഹാപ്പി ബര്‍ത്ത്‌ഡേ ബേബി, നീ നീയായി ഇരിക്കൂ, സന്തോഷത്തോടെയിരിക്കൂ, എന്റേതായിരിക്കൂ.- എന്നാണ് കുറിച്ചത്. നിന്റെ മാത്രമായിരിക്കും എന്നാണ് ഇതിന് മറുപടിയായി മലൈക കുറിച്ചത്.
2018 മുതലാണ് ഇരുവരും പ്രണയത്തിലാവുന്നത്. അര്‍ജുനുമായി അടുത്തതിന് പിന്നാലെയാണ് നടന്‍ അര്‍ബാസ് ഖാനുമായുള്ള വിവാഹബന്ധം മലൈക ഉപേക്ഷിക്കുന്നത്. വിവാഹമോചനത്തിന് ശേഷം 2019ലാണ് പ്രണയത്തിലാണെന്ന വിവരം ഇവർ ആരാധകരെ അറിയിക്കുന്നത്. അർജുൻ കപൂറിനേക്കാളും പ്രായമുണ്ടെന്ന് പറഞ്ഞ് രൂക്ഷമായ സൈബർ ആക്രമണത്തിനാണ് ഇവർ ഇരയാകാറുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
