'ബാലയുടെ മോൾ പാവം, വേറെ ആളെ അച്ഛാ എന്നു വിളിക്കേണ്ട ​ഗതി​കേട്'; മറുപടിയുമായി ​ഗോപി സുന്ദർ

​ഗോപി സുന്ദറും അമൃത സുരേഷും ഒന്നിച്ചതിനു ശേഷമുള്ള ആദ്യത്തെ ഓണം ഇരുവരും വൻ ആഘോഷമാക്കിയിരിക്കുകയാണ്. ഇരുവരും ഒന്നിച്ചുള്ള ഓണപ്പാട്ട് സോഷ്യൽ മീഡിയയിൽ വൈറലായിരുന്നു. അമൃതയ്ക്കും മകൾ പാപ്പുവിനും കുടുംബത്തിനുമൊപ്പമായിരുന്നു ​ഗോപി സുന്ദറിന്റെ ഓണാഘോഷം. അമൃതയ്ക്കും പാപ്പുവിനും ഒപ്പമുള്ള ചിത്രവും സോഷ്യൽ മീഡിയയിൽ പങ്കുവച്ചു. ചിത്രങ്ങൾക്കു താഴെ വന്ന ഒരു കമന്റിന് ​ഗോപി സുന്ദറിന്റെ മറുപടിയാണ് ശ്രദ്ധ നേടുന്നത്. 

ബാലയുടെ മോൾ പാവം, വേറെ ആളെ അച്ഛാ എന്നു വിളിക്കേണ്ട ​ഗതി​കേട്. അവൻ ആണെങ്കിൽ കെട്ടിച്ചുകൊടുക്കേണ്ട മോനും ഉണ്ട്. എങ്ങനെ ഹാപ്പിയായി ജീവിക്കാൻ പറ്റുന്നോ എന്തോ- എന്നാണ് ഒരാൾ കുറിച്ചത്. വൈകാതെ താരത്തിന്റെ മറുപടി എത്തി. താൻ എന്തിനാണ് വിഷമിക്കുന്നത്. ഇവിടെ എല്ലാവരും സന്തോഷത്തിലാണ്. നിങ്ങൾ വിഷമിക്കേണ്ട. എന്തെങ്കിലും ബുദ്ധിമുട്ട് തോന്നുമ്പോൾ ഞാൻ പറയാം. ഇപ്പോ തൽക്കാലം സുൽത്താൻ പോ- എന്നായിരുന്നു ​ഗോപി സുന്ദറിന്റെ മറുപടി. നിരവധി പേരാണ് ​ഗോപി സുന്ദറിന് പിന്തുണയുമായി എത്തുന്നത്. മറ്റുള്ളവരുടെ ജീവിതത്തിൽ ഇടപെടുന്നത് എന്താണ് എന്നാണ് വിമർശകനോട് അവർ ചോദിക്കുന്നത്. 

ഇത് ആദ്യമായല്ല ​ഗോപി സുന്ദറും അമൃതയും ഇത്തരം വിമർശനങ്ങൾക്ക് ഇരയാവുന്നത്. അടുത്തിടെ ​ഗോപി സുന്ദറിന്റെ മക്കളുടെ വേദനയെക്കുറിച്ച് പറഞ്ഞുകൊണ്ടായിരുന്നു കമന്റ്. തങ്ങൾക്കെതിരെ വരുന്ന വിമർശനങ്ങൾക്ക് രണ്ടുപേരും കൃത്യമായി മറുപടി പറയാറുണ്ട്. അടുത്തിടെയാണ് ഇരുവരും പ്രണയത്തിലാണെന്ന വിവരം തുറന്നു പറയുന്നത്. നടൻ ബാലയായിരുന്നു അമൃത സുരേഷിന്റെ ആദ്യ ഭർത്താവ്. ഈ ബന്ധത്തിലാണ് പാപ്പു ജനിച്ചത്. വൈകാതെ ഇവർ വേർപിരിയുകയായിരുന്നു. 

ഈ വാര്‍ത്ത കൂടി വായിക്കൂ

കുടുംബ ചിത്രത്തിൽ കാളിദാസിനൊപ്പമുള്ള സുന്ദരി ആര്? തിരഞ്ഞ് ആരാധകർ, ആൾ ഇവിടെയുണ്ട്​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ