ന്യൂഡല്‍ഹി: രാജ്യത്ത് ഇന്നലെ 4041 പേര്‍ക്കു കോവിഡ് സ്ഥിരീകരിച്ചു. എണ്‍പത്തിനാലു ദിവസത്തിനു ശേഷമാണ് പ്രതിദിന കോവിഡ് ബാധിതരുടെ എണ്ണം നാലായിരം കടക്കുന്നത്. നിലവില്‍ 21,177 പേരാണ് വൈറസ് ബാധ മൂലം ആശുപത്രികളും വീടുകളിലുമായി ചികിത്സയിലുള്ളത്.
ഇന്നലെ പത്തു പേരാണ് കോവിഡ് മൂലം മരിച്ചത്. ഇതോടെ രാജ്യത്തെ മരണ സംഖ്യ 5,24,651 ആയി.
കേരളത്തില്‍ ഇന്നലെയും ആയിരത്തിലേറെ പേര്‍ക്കു കോവിഡ് സ്ഥിരീകരിച്ചു. തുടര്‍ച്ചയായി മൂന്നാം ദിവസമാണ് കോവിഡ് കേസുകള്‍ ആയിരത്തിന് മുകളില്‍ എത്തുന്നത്.
ഇന്നലെ 1,278 പേര്‍ക്കാണ് രോഗം സ്ഥിരീകരിച്ചത്. കൂടുതല്‍ രോഗികള്‍ എറണാകുളം ജില്ലയിലാണ്. 407 കേസുകളാണ് ഇന്നലെ ജില്ലയില്‍ റിപ്പോര്‍ട്ട് ചെയ്തത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
