ഭോപ്പാല്: മധ്യപ്രദേശില് നായ പരിശീലന കേന്ദ്രത്തിലെ ജീവനക്കാര് നായയെ കെട്ടിത്തൂക്കി കൊന്നു. സംഭവത്തില് നായ പരിശീലന കേന്ദ്രത്തിന്റെ നടത്തിപ്പുകാരന് അടക്കം മൂന്ന് പേരെ പൊലീസ് അറസ്റ്റ് ചെയ്തു.
ഭോപ്പാലില് പ്രവര്ത്തിക്കുന്ന നായ പരിശീലന കേന്ദ്രത്തിലെ രവി കുശ്വ അടക്കം മൂന്ന് പേരാണ് പിടിയിലായത്.ഇവര് വളര്ത്തുനായയെ ഗേറ്റില് കെട്ടിത്തൂക്കുന്ന സിസിടിവി ദൃശ്യങ്ങളും പുറത്തുവന്നിരുന്നു. ഇതിന് പിന്നാലെയാണ് അറസ്റ്റ്.
വ്യാപാരിയായ നീലേഷ് ജയ്സ്വാളിന്റെ നായയെയാണ് പ്രതികള് കെട്ടിത്തൂക്കി കൊലപ്പെടുത്തിയത്. നാലുമാസത്തേക്കാണ് നീലേഷ് തന്റെ വളര്ത്തുനായയെ പരിശീലനകേന്ദ്രത്തിലേക്ക് അയച്ചത്. തുടര്ന്ന് വളര്ത്തുനായയെ തിരികെകൊണ്ടുവരാനായി കേന്ദ്രത്തിന്റെ നടത്തിപ്പുകാരെ ബന്ധപ്പെട്ടപ്പോള് നായ ചത്തുപോയെന്നായിരുന്നു ഇവരുടെ മറുപടി.
സംശയം തോന്നിയ നീലേഷ് പരിശീലന കേന്ദ്രത്തിലെ സിസിടിവി ദൃശ്യങ്ങള് പരിശോധിക്കണമെന്ന് ആവശ്യപ്പെട്ടു. ഈ പരിശോധനയിലാണ് മൂവരും ചേര്ന്ന് നായയെ ഗേറ്റില് കെട്ടിത്തൂക്കുന്ന ദൃശ്യങ്ങള് കണ്ടത്. ഇതോടെ നീലേഷ് പൊലീസിനെ സമീപിക്കുകയും പൊലീസ് മൂവരെയും പിടികൂടുകയുമായിരുന്നു.
അതേസമയം, നായയെ മനഃപൂര്വം കൊന്നതല്ലെന്നാണ് പ്രതികളുടെ വിശദീകരണം. അക്രമസ്വഭാവം കാണിച്ചിരുന്ന നായയെ പരിശീലനത്തിന്റെ ഭാഗമായാണ് ഗേറ്റില് കെട്ടിയിടാന് ശ്രമിച്ചത്. ഇതിനിടെ നായയുടെ കഴുത്തിലിട്ട കുരുക്ക് മുറുകുകയും അബോധാവസ്ഥയിലാകുകയുമായിരുന്നുവെന്നാണ് വിശദീകരണത്തില് പറയുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ