ട്രെന്‍ഡ് മാറിയപ്പോള്‍ മറന്നോ? ദഹനത്തിനും കൊളസ്ട്രോളിനും ഈ സൂപ്പർ ഫുഡ്

ട്രെൻഡ് അനുസരിച്ച് ഭക്ഷണശീലം മാറ്റിയവർ ഒരുപക്ഷം മറന്നു പോയ ഒരു സൂപ്പർ ഫുഡ് ആണ് റാ​ഗി. ഫിംഗർ മില്ലറ്റ് എന്നും റാ​ഗി അറിയപ്പെടാറുണ്ട്. കാല്‍സ്യം, ഇരുമ്പ്, നാരുകള്‍ തുടങ്ങിയവ അടങ്ങിയ പോഷക സമ്പുഷ്ടമായ ഭക്ഷണമാണ് റാഗി. കൂടാതെ ഇത് ഗ്ലൂട്ടന്‍ രഹിതമാണ്.

റാഗിയുടെ ആരോഗ്യ ഗുണങ്ങള്‍

• കാല്‍സ്യത്താല്‍ സമ്പുഷ്ടമായതിനാല്‍ എല്ലുകളുടെ ആരോഗ്യത്തിന് ഇത് മികച്ചതാണ്. കുട്ടികള്‍ക്കും സ്ത്രീകള്‍ക്കും മുതിര്‍ന്നവര്‍ക്കും റാഗി വിഭവങ്ങള്‍ കഴിക്കുന്നത് എല്ലുകളുടെ ബലത്തിന് നല്ലതാണ്.

• ഉയർന്ന നാരുകൾ കൂടുതൽ നേരം വയറു നിറഞ്ഞതായി നിലനിർത്തുന്നു. ഇത് ശരീരഭാരം കുറയ്ക്കാൻ സഹായിക്കുന്നു.

• റാഗിയുടെ കുറഞ്ഞ ഗ്ലൈസെമിക് സൂചികയും ഉയർന്ന നാരുകളും രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു.

• ഇതില്‍ ആന്റിഓക്‌സിഡന്റുകൾ, അമിനോ ആസിഡുകൾ എന്നിവ അടങ്ങിയിരിക്കുന്നു, കൂടാതെ ചീത്ത കൊളസ്ട്രോൾ കുറയ്ക്കാനും നല്ലതാണ്. ഇരുമ്പ് അടങ്ങിയിട്ടുള്ളതിനാല്‍. വിളർച്ചയെ ചെറുക്കാനും സഹായിക്കുന്നു.

റാഗി എങ്ങനെ ഡയറ്റില്‍ ഉള്‍പ്പെടുത്താം

• റാഗി ദോശ– പ്രഭാതഭക്ഷണത്തില്‍ റാഗി മാവ് കൊണ്ട് രുചികരമായ ദോശ അല്ലെങ്കില്‍ റൊട്ടി ഉണ്ടാക്കി കഴിക്കാവുന്നതാണ്.

• റാഗി കുറുക്ക്– റാഗി കൊണ്ട് ഉണ്ടാക്കുന്ന മുറുക്ക്, രാവിലെയും വൈകുന്നേരവും ചൂടോടെ കഴിക്കാം. ഇത് ദഹനത്തിന് എളുപ്പമാണ്. കുട്ടികൾക്കും മുതിർന്നവർക്കും ഇത് ആരോഗ്യകരമാണ്.

• റാഗി ലഡ്ഡു– മധുരം ഇഷ്ടപ്പെടുന്നവർക്ക്, റാഗി ശർക്കരയും അണ്ടിപ്പരിപ്പും ചേർത്ത് പോഷകസമൃദ്ധമായ റാഗി ബോൾസ് ഉണ്ടാക്കാം.

• റാഗി കുറുക്ക്- റാഗി പാലിലോ വെള്ളത്തിലോ കുറുക്കി കഴിക്കാവുന്നതാണ്. കുട്ടികള്‍ക്ക് ഇത് വളരെ ഇഷ്ടമുള്ള വിഭവമാണ്.