സെഞ്ചൂറിയന്‍: ഇന്ത്യക്ക് പുറത്തെ 100 വിക്കറ്റ് എന്ന നേട്ടത്തില്‍ സ്റ്റാര്‍ പേസര്‍ ബൂമ്ര. സൗത്ത് ആഫ്രിക്കയ്ക്ക് എതിരായ സെഞ്ചൂറിയന്‍ ടെസ്റ്റില്‍ ഡസനെ പുറത്താക്കിയാണ് വിദേശത്തെ തന്റെ 100ാം വിക്കറ്റ് ബൂമ്ര സ്വന്തമാക്കിയത്.
2018ലെ ഇന്ത്യയുടെ സൗത്ത് ആഫ്രിക്കന്‍ പര്യടനത്തിലാണ് ബൂമ്ര ടെസ്റ്റില്‍ അരങ്ങേറ്റം കുറിച്ചത്. ടെസ്റ്റില്‍ ആകെ 105 വിക്കറ്റാണ് ബൂമ്രയുടെ പേരിലുള്ളത്. എന്നാല്‍ ഇന്ത്യയില്‍ ബൂമ്രയ്ക്ക് നേടാനായത് നാല് വിക്കറ്റ് മാത്രം.
25 ടെസ്റ്റ് കളിച്ചപ്പോള്‍ രണ്ട് ടെസ്റ്റ് മാത്രമാണ് ഇന്ത്യയില്‍ കളിച്ചത്
ഇന്ത്യക്ക് വേണ്ടി ബൂമ്ര 25 ടെസ്റ്റ് കളിച്ചപ്പോള്‍ രണ്ട് ടെസ്റ്റ് മാത്രമാണ് ഇന്ത്യയില്‍ കളിച്ചത്. 100 വിദേശ ടെസ്റ്റ് വിക്കറ്റുകള്‍ തികയ്ക്കാന്‍ ആകെ ടെസ്റ്റ് വിക്കറ്റ് സമ്പാദ്യം ഏറ്റവും കുറവ് വേണ്ടി വന്ന ബൗളറുമായി ബൂമ്ര ഇവിടെ. തന്റെ 118 ടെസ്റ്റ് വിക്കറ്റുകള്‍ക്കിടെ 100 വിദേശ ടെസ്റ്റ് വിക്കറ്റ് തികച്ച പാകിസ്ഥാന്റെ മുഹമ്മദ് ആമിറിനെയാണ് ബൂമ്ര ഇവിടെ മറികടന്നത്.
സെഞ്ചൂറിയനില്‍ അഞ്ചാം ദിനം ജയം മുന്‍പില്‍ കണ്ടാണ് ഇന്ത്യ ഇറങ്ങുന്നത്. നാലാം ദിനം തന്നെ സൗത്ത് ആഫ്രിക്കയുടെ നാല് വിക്കറ്റുകള്‍ ഇന്ത്യ വീഴ്ത്തി. അതില്‍ രണ്ടും സ്വന്തമാക്കിയത് ബൂമ്രയാണ്. അഞ്ചാം ദിനം സൗത്ത് ആഫ്രിക്കയുടെ അഞ്ച് വിക്കറ്റുകളും പിഴുത് ഇന്ത്യ ജയത്തിലേക്ക് എത്തുമെന്നാണ് ആരാധകരുടെ പ്രതീക്ഷ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
