സണ്റൈഴ്സ് ടീം താമസിക്കുന്ന ഹൈദരാബാദിലെ ഹോട്ടലില് തീപിടിത്തം (വിഡിയോ)
ഹൈദരാബാദ്: ഐപിഎല് പോരാട്ടങ്ങള്ക്കായി സണ്റൈസേഴ്സ് ഹൈദരാബാദ് ടീം താമസിക്കുന്ന ഹോട്ടലില് തീപിടിത്തം. ആഡംബര ഹോട്ടലിന്റെ മൂന്നാം നിലയില് പ്രവര്ത്തിക്കുന്ന സ്പായിലാണ് തീ പിടിത്തമുണ്ടായത്.
ടീം അംഗങ്ങള് ഹോട്ടലില് നിന്നു പുറത്തേക്ക് പോകുന്ന ഘട്ടത്തില് തന്നെയാണ് തീപിടിത്തമുണ്ടായത്. ഹോട്ടല് ജീവനക്കാര് അതിവേഗം ഇടപെട്ട് തീ കെടുത്തിയതായി പൊലീസ് വ്യക്തമാക്കി.
സംഭവത്തില് ആര്ക്കും പരിക്കൊന്നും പറ്റിയിട്ടില്ലെന്നും തീ നിയന്ത്രണത്തിലാണെന്നും അധികൃതര് പറഞ്ഞു. സംഭവത്തെക്കുറിച്ച് അന്വേഷണം നടക്കുകയാണെന്നും അധികൃതര് കൂട്ടിച്ചേര്ത്തു.
തുടര് തോല്വികളുമായി നിന്ന സണ്റൈസേഴ്സ് ഗംഭീര വിജയവുമായി തിരിച്ചെത്തിയിരിക്കുകയാണ്. കഴിഞ്ഞ ദിവസം പഞ്ചാബ് കിങ്സിനെതിരായ പോരാട്ടത്തില് അവര് കൂറ്റന് സ്കോര് ചെയ്സ് ചെയ്തു പിടിച്ചിരുന്നു. പഞ്ചാബ് ഉയര്ത്തിയ 246 റണ്സ് ടോട്ടല് ഹൈദരാബാദ് 247 അടിച്ചാണ് മറികടന്നത്.
ഈ മാസം 17നാണ് അവര് അടുത്ത പോരിനിറങ്ങുന്നത്. എവേ പോരാട്ടത്തില് അവര് മുംബൈ ഇന്ത്യന്സിനെയാണ് നേരിടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
