തിരുവനന്തപുരം : സംസ്ഥാനത്ത് ഇന്നും നാളെയും കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. നാളെ മുതല് മധ്യ കേരളത്തിലും തെക്കന് കേരളത്തിലും മഴ ശക്തമാകുമെന്നും അറിയിച്ചു. മണിക്കൂറില് 60 കിലോമീറ്റര് വരെ വേഗത്തില് കാറ്റടിക്കാന് സാധ്യതയുള്ളതിനാല് മല്സ്യ തൊഴിലാളികള് കടലില് പോകരുതെന്നും മുന്നറിയിപ്പുണ്ട്.
ബംഗാള് തീരത്ത് രൂപംകൊണ്ട ന്യൂനമര്ദമാണ് വീണ്ടും മഴ ശക്തമാകാന് കാരണം. മലയോര മേഖലകളിലും കനത്ത മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുള്ളത്. ഈ സാഹചര്യത്തില് ജനങ്ങള് പരമാവധി ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിട്ടി ആവശ്യപ്പെട്ടു. മലയോര മേഖലകളിലൂടെ അത്യാവശ്യമല്ലാത്ത യാത്രകള് ഒഴിവാക്കണമെന്നും നിര്ദേശിച്ചിട്ടുണ്ട്.
മുല്ലപ്പെരിയാര് അണക്കെട്ടിന്റെ വൃഷ്ടിപ്രദേശങ്ങളില് മഴ കനത്തു. ഇതോടെ ഡാമിലേക്കുള്ള നീരൊഴുക്കും വര്ധിച്ചിട്ടുണ്ട്. കാലവര്ഷം വീണ്ടും സജീവമായതോടെ, നീരൊഴുക്കു ശക്തമായതിനാല് സംസ്ഥാനത്തെ അണക്കെട്ടുകളെല്ലാം തുറന്നിരിക്കുകയാണ്. സംസ്ഥാനത്തെ അഞ്ചു ജില്ലകളില് ഉരുള്പൊട്ടി വ്യാപക കൃഷിനാശമുണ്ടായി. എന്നാല് ആളപാടം റിപ്പോര്ട്ട് ചെയ്യപ്പെട്ടിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
