ഭക്തരുടെ ഭാഗത്തുനിന്ന് ഒരു പ്രതിഷേധവും ഉണ്ടായില്ല; ശബരിമല ദര്‍ശനത്തെക്കുറിച്ച് ബിന്ദു

ഭക്തരുടെ ഭാഗത്തുനിന്ന് ഒരു പ്രതിഷേധവും ഉണ്ടായില്ല; ശബരിമല ദര്‍ശനത്തെക്കുറിച്ച് ബിന്ദു
ഭക്തരുടെ ഭാഗത്തുനിന്ന് ഒരു പ്രതിഷേധവും ഉണ്ടായില്ല; ശബരിമല ദര്‍ശനത്തെക്കുറിച്ച് ബിന്ദു

പമ്പ: ശബരിമല ദര്‍ശനത്തിനിടെ ഭക്തരുടെ ഭാഗത്തുനിന്ന് ഒരു പ്രതിഷേധവും ഉണ്ടായില്ലെന്ന് ദര്‍ശനം നടത്തിയ ബിന്ദു. ഒരു പ്രശ്‌നവും ആരുടെ ഭാഗത്തുനിന്നും ഉണ്ടായില്ലെന്ന് ബിന്ദു മാധ്യമങ്ങളോടു പറഞ്ഞു.

പമ്പയില്‍ എത്തിയ ശേഷമാണ് പൊലീസിനോടു സുരക്ഷ ആവശ്യപ്പെട്ടത്. അവര്‍ സുരക്ഷയൊരുക്കി. പുലര്‍ച്ചെ മൂന്നേമുക്കാലിനാണ് ദര്‍ശനം നടത്തിയത്. ഈ സമയത്തൊന്നും ഒരു ഭക്തനും പ്രതിഷേധിച്ചില്ലെന്ന് ബിന്ദു പറഞ്ഞു.

കനകദുര്‍ഗയും മറ്റു ചില സുഹൃത്തുക്കളുമാണ് കൂടെ ഉണ്ടായിരുന്നത്. പ്രതിഷേധങ്ങള്‍ ഒന്നും ഉണ്ടായില്ല എന്നതുകൊണ്ട് ഒരു ഭയവും തോന്നിയില്ലെന്നും ബിന്ദു പറഞ്ഞു.

ഇനി തിരിച്ചു വീട്ടിലേക്കാണ് പോവുന്നത്. അവിടെയും പ്രശ്‌നങ്ങള്‍ ഒന്നും ഉണ്ടാവില്ലെന്നാണ് പ്രതീക്ഷിക്കുന്നത്- ബിന്ദു പറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com