ഭർത്താവിന്റെ കുത്തേറ്റ് യുവതി മരിച്ചു: അമ്മയ്ക്കും മകൾക്കും പരിക്ക്, ആത്മഹത്യാശ്രമം

പാലക്കാട്: ഭർത്താവിന്റെ കുത്തേറ്റ് ഭാര്യ മരിച്ചു. പട്ടാമ്പി കീഴാറ്റൂർ സ്വദേശിനി ആതിര(32) ആണ് മരിച്ചത്. ഭർത്താവ് സജീവന്റെ ആക്രമണത്തിൽ പരുക്കേറ്റ് ചികിത്സയിൽ കഴിയുകയായിരുന്നു. പെരുന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം. 

ഇന്ന് രാവിലെയാണ് ആതിരയേയും അമ്മ സരോജിനിയേയും എട്ടു വയസുകാരിയായ മകളേയും സജീവൻ ആക്രമിച്ചത്. പ്രകോപനമൊന്നുമില്ലാതെ കൈയിൽകിട്ടിയ കത്തികൊണ്ട് ഇവരെ കുത്തുകയായിരുന്നു. ആതിരയ്ക്ക് കഴുത്തിനും വയറിനുമാണ് പരിക്കേറ്റത്. ഇവരെ കുത്തിയ ശേഷം സ്വയം കഴുത്തിന് കുത്തിയാണ് സജീവൻ ജീവനൊടുക്കാൻ ശ്രമിച്ചത്. സജീവന്റെ നില ​ഗുരുതരമാണ്. 

മകളുടെയും അമ്മയുടെയും പരിക്ക് ഗുരുതരമല്ല. തെങ്ങുകയറ്റതൊഴിലാളിയായ സജീവന് മാനസിക വിഭ്രാന്തിയുണ്ടായിരുന്നതായും പൊലീസ് പറയുന്നു.

ഈ വാര്‍ത്ത കൂടി വായിക്കൂ

'മുഖത്തു മുളകുപൊടി എറിഞ്ഞ് കാറില്‍ വലിച്ചു കയറ്റാന്‍ ശ്രമിച്ചു'; ഭിന്നശേഷിക്കാരനായ വിദ്യാര്‍ത്ഥിയെ തട്ടിക്കൊണ്ടുപോകാന്‍ ശ്രമം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ