ആനയുടെ 'സ്ലൈഡിങ് ​ഗെയിം'; ചിരിപടർത്തും ഈ ദൃശ്യം (വീഡിയോ)

കുത്തനെയുള്ള ഇറക്കം നിരങ്ങിയിറങ്ങുന്ന ആനയുടെ വീഡിയോ ഇപ്പോൾ സാമൂഹിക മാധ്യമങ്ങളിൽ കൗതുകമായി മാറുകയാണ്. കഴിഞ്ഞ ദിവസം ഒരു കുട്ടിയാന ഇത്തരത്തിൽ നിരങ്ങിയിറങ്ങുന്നത് സോഷ്യൽ മീഡിയയിൽ ചിരിപടർത്തിയിരുന്നു. സമാനമാണ് ഈ വീഡിയോയും. കുത്തനെയുള്ള ഇറക്കമിറങ്ങുക എന്നത് ആനകളെ സംബന്ധിച്ച് ശ്രമകരമാണ്. ഇരുന്നും കിടന്നും നിരങ്ങിയുമൊക്കെയാണ് ആനകൾ താഴെയെത്തുക.

കുത്തനെയുള്ള കയറ്റത്തിനു മുകളിൽ നിൽക്കുന്ന ആന പിൻകാലുകൾ മടക്കി മുൻ കാലുകൾ നീട്ടി വച്ച് ഊർന്നിറങ്ങുന്നത് ദൃശ്യത്തിൽ കാണാം. മണ്ണിലൂടെ തെന്നി നീങ്ങുന്ന ആനയുടെ ദൃശ്യം നിരവധി ആളുകൾ കണ്ടുകഴിഞ്ഞു. ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് രസകരമായ ഈ ദൃശ്യം ട്വിറ്ററിലൂടെ പങ്കുവച്ചത്.

പാർക്കുകളിൽ ചെന്നാൽ കുട്ടികൾ ഏറ്റവും കൂടുതൽ കളിക്കുന്ന സ്ലൈഡിങ് ​ഗെയിമിനോടാണ് ആനയുടെ നിരങ്ങിയിറങ്ങലിലെ സുശാന്ത ഉപമിച്ചിരിക്കുന്നത്.