പ്രളയത്തിന് ശേഷം കടുത്ത പകര്‍ച്ചവ്യാധി ഭീഷണിയിലാണ് മലയാളികള്‍. സംസ്ഥാനത്തിന്റെ വിവിധയിടങ്ങളില്‍ ആളുകള്‍ എലിപ്പനി വന്ന് മരിക്കുന്ന സാഹചര്യമാണ്. രോഗം വന്ന് ചികിത്സിക്കുന്നതിനേക്കാള്‍ നല്ലത് വരാതിരിക്കാതെ നോക്കല്‍ ആണ്. അതിന് വേണ്ടി സര്‍ക്കാര്‍ തന്നെ പ്രതിരോധമരുന്നുകള്‍ ഇറക്കിയിട്ടുണ്ട്. അങ്കന്‍വാടികള്‍ വഴിയും ആശാവര്‍ക്കര്‍മാര്‍ വഴിയും മറ്റുമാണ് ഇത് ജനങ്ങളളിലേക്കെത്തിക്കുന്നത്.
സമൂഹമാധ്യമങ്ങളിലുള്‍പ്പെടെ ഈ മരുന്ന് ഴിക്കാന്‍ നിര്‍ദേശിച്ച് ഫോര്‍വേഡ് മെസേജുകളും നിര്‍ദേശങ്ങളും വരുന്നുമുണ്ട്. അതിനിടെ നടന്‍ മോഹന്‍ലാലും പ്രതിരോധമരുന്നിന്റെ പ്രചരണവുമായി മുന്നോട്ട് വന്നിരിക്കുകയാണ്. ട്വിറ്ററിലൂടെയും ഫേസ്ബുക്കിലൂടെയുമാണ് മോഹന്‍ലാല്‍ എലിപ്പനിക്കുള്ള പ്രതിരോധമരുന്ന് കഴിക്കാന്‍ ആളുകളോട് നിര്‍ദേശിക്കുന്നത്. എലിപ്പനി പ്രതിരോധം മുന്‍നിര്‍ത്തി പിആര്‍ഡി ചെയ്ത ട്രോളുകളിലൊന്നാണിത്.
മോഹന്‍ലാലിന്റെ വന്ദനം എന്ന ചിത്രത്തിലെ വളരെ പ്രസിദ്ധമായ ഒരു രംഗം ട്രോള്‍ പോലെയാക്കിയാണ് അദ്ദേഹം പോസ്റ്റ് ചെയ്തിരിക്കുന്നത്. 'എങ്കില്‍ എന്നോട് പറ എലിപ്പനിക്കുള്ള ഡോക്‌സിസൈക്ലിന്‍ കഴിച്ചൂന്ന്' എന്ന കാപ്ഷനോടെ പോസ്റ്റ് ചെയ്ത ട്രോളിന് മികച്ച പ്രതികരണമാണ് ലഭിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
