നിയമലംഘനം നടത്തിയതിന് ട്വിറ്റർ അക്കൗണ്ട് പൂട്ടിയെന്ന് പ്രചരണം; വിശദീകരണവുമായി നടൻ കിഷോർ

വില്ലൻ വേഷങ്ങളിലൂടെ ശ്രദ്ധേയനായ നടനാണ് കിഷോർ കുമാർ. കുറച്ചു ദിവസങ്ങളായി സോഷ്യൽ മീഡിയയിൽ ചർച്ചയാകുന്നത് കിഷോറിന്റെ ട്വിറ്റർ അക്കൗണ്ടിനെക്കുറിച്ചാണ്. ട്വിറ്ററിന്റെ നിയമലംഘനത്തിന്റെ പേരിൽ അക്കൗണ്ട് സസ്പെൻഡ് ചെയ്തു എന്നായിരുന്നു ആരോപണം. ഇപ്പോൾ സംഭവത്തിൽ വിശദീകരണവുമായി താരം തന്നെ രം​ഗത്തെത്തിയിരിക്കുകയാണ്. പോസ്റ്റിന്റെ പേരിൽ തന്റെ ട്വിറ്റർ സസ്പെൻഡ് ചെയ്യപ്പെട്ടിട്ടില്ല എന്നാണ് താരം പറഞ്ഞത്. 

'എന്റെ ട്വിറ്റർ അക്കൗണ്ട് സസ്‌പെൻഡ് ചെയ്തതിനെക്കുറിച്ചുള്ള അനാവശ്യ തെറ്റിദ്ധാരണകൾ ഒഴിവാക്കാൻ വേണ്ടി മാത്രം. എന്റെ ഏതെങ്കിലും പോസ്റ്റുകൾ കാരണം എന്റെ ട്വിറ്റർ അക്കൗണ്ട് സസ്പെൻഡ് ചെയ്തിട്ടില്ല. 2022 ഡിസംബർ 20-ലെ ഹാക്കിംഗ് മൂലമാണ് ഇത് സംഭവിച്ചതെന്ന് ഞാൻ മനസ്സിലാക്കുന്നത്. ആവശ്യമായ നടപടികൾ ട്വിറ്റർ വാഗ്ദാനം ചെയ്തിട്ടുണ്ട്. എല്ലാവരുടെയും ആശങ്കയ്ക്ക് നന്ദി പറയുന്നു'- കിഷോർ കുറിച്ചു. 

കിഷോറിന്റെ അക്കൗണ്ട് പോയതിന് പിന്നാലെ പുനസ്ഥാപിക്കണമെന്ന് ആവശ്യപ്പെട്ട് ഒട്ടേറെപേര്‍ രംഗത്ത് വന്നിരുന്നു. ട്വിറ്റര്‍ സിഇഓ ഇലോണ്‍ മസ്‌കിനെ ടാഗ് ചെയ്തും നിരവധി പേർ‌ നടപടി ആവശ്യപ്പെട്ടു. 2022-ല്‍ പുറത്തിറങ്ങിയ കന്നഡ ചിത്രം കാന്താരയില്‍ ഫോറസ്റ്റ് ഓഫീസറായി മിന്നുന്ന പ്രകടനമാണ് കിഷോര്‍ കാഴ്ചവെച്ചത്. മണിരത്‌നം സംവിധാനം ചെയ്ത പൊന്നിയിന്‍ സെല്‍വനിലും നിർണായക വേഷത്തിലെത്തി. 

ഈ വാര്‍ത്ത കൂടി വായിക്കൂ 

സജി ചെറിയാന്‍ വീണ്ടും മന്ത്രി; ചടങ്ങ് ബഹിഷ്കരിച്ച് പ്രതിപക്ഷം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ