'എന്തൊക്കെ കാണണം? എന്തൊക്കെ കേള്‍ക്കണം?': ജിഷിനെ കുത്തി വരദയുടെ പോസ്റ്റ്, പിന്നാലെ മറുപടി

വിവാഹമോചനത്തിനു ശേഷം താൻ ഡിപ്രഷനിലായെന്നും ലഹരി ഉപയോ​ഗിക്കാൻ തുടങ്ങിയെന്ന് സീരിയൽ താരം ജിഷിൻ മോഹൻ തുറന്നു പറഞ്ഞിരുന്നു. സുഹൃത്ത് അമേയ ജീവിതത്തിലേക്ക് വന്നതോടെയാണ് ഇതിന് മാറ്റമുണ്ടായത് എന്നാണ് താരം പറഞ്ഞത്. ഇപ്പോൾ ചർച്ചയാവുന്നത് ജിഷിന്റെ മുൻ ഭാര്യയും നടിയുമായ വരദയുടെ ഇൻസ്റ്റ​ഗ്രാം സ്റ്റോറിയാണ്.

'എന്തൊക്കെ കാണണം?? എന്തൊക്കെ കേള്‍ക്കണം?? എന്തായാലും കൊള്ളാം!!' എന്നായിരുന്നു വരദ ഇൻസ്റ്റ​ഗ്രാം സ്റ്റോറിയായി പോസ്റ്റ് ചെയ്തത്. പിന്നാലെ ജിഷിനെ ലക്ഷ്യം വച്ചുകൊണ്ടുള്ളതാണ് വരദയുടെ പോസ്റ്റ് എന്നാണ് പ്രേക്ഷകരുടെ പ്രതികരണം. ‌ഇതിന് പിന്നാലെ ജിഷിനും ഇൻസ്റ്റ​ഗ്രാമിൽ ഒരു പോസ്റ്റ് പങ്കുവച്ചു. മൂന്ന് കുരങ്ങന്മാര്‍ ചെവിയും കണ്ണും വായും പൊത്തിപ്പിടിച്ച് ഇരിക്കുന്ന ഫോട്ടോയ്ക്കൊപ്പം 'ഒന്നും കാണാനും കേള്‍ക്കാനും വയ്യാതെ ഇരിക്കുന്നവര്‍' എന്നാണ് കുറിച്ചത്.

സോഷ്യൽ മീഡിയയിൽ അമേയയ്ക്കൊപ്പമുള്ള ചിത്രങ്ങളും വിഡിയോയും ജിഷിൻ പതിവായി പങ്കുവെക്കാൻ തുടങ്ങിയതോടെയാണ് ഇരുവരും തമ്മിൽ പ്രണയത്തിലാണ് എന്ന വാർത്തകൾ പ്രചരിച്ചത്. എന്നാൽ തങ്ങൾ തമ്മിൽ പ്രണയം അല്ലെന്നും ബന്ധം വിവാഹത്തിലേക്ക് പോകില്ല എന്നുമാണ് ജിഷിൻ പറയുന്നത്.

അഭിനയം നിര്‍ത്തുന്നുവെന്ന് വാര്‍ത്തകള്‍, പിറ്റേ ദിവസം വിക്രാന്ത് മാസി ഷൂട്ടിങ് സെറ്റില്‍

‘ഡിവോഴ്സിന് ശേഷമുള്ള രണ്ടു വര്‍ഷക്കാലം ഞാന്‍ കടുത്ത ഡിപ്രഷനിലായിരുന്നു. പുറത്തുപോലുമിറങ്ങാതെ വീട്ടില്‍ ഒറ്റയ്ക്ക് ഇരിക്കുകയായിരുന്നു. ചുറ്റും നെഗറ്റീവ്, പുറത്തിറങ്ങാന്‍ പറ്റുന്നില്ലായിരുന്നു. കള്ളുകുടി തുടങ്ങി പല കാര്യങ്ങളിലോട്ടും ഞാന്‍ പോയിട്ടുണ്ട്. സിന്തറ്റിക് ഡ്രഗ്സ് ഉപയോഗിച്ചിട്ടുണ്ട്. ഈ എല്ലാ സാധനങ്ങളില്‍ നിന്നും എനിക്ക് മോചനം വന്നത് അമേയയെ പരിചയപ്പെട്ടതിനു ശേഷമാണ്. അമേയ കാരണമാണ് ലഹരി ഉപയോഗം നിര്‍ത്തിയത്. ജീവിതത്തില്‍ ഒറ്റപ്പെട്ടുപോകുന്നവര്‍ക്ക് സംഭവിച്ചുപോകുന്നതാണിത്. ഞങ്ങള്‍ തമ്മില്‍ സൗഹൃദമുണ്ട്. അതിനു മുകളിലേക്ക് ഒരു സ്നേഹബന്ധമുണ്ട്. പരസ്പരമായ ഒരു ധാരണയുണ്ട്. ഒരു ബോണ്ടുണ്ട്. പരസ്പരമുള്ള കരുതലുണ്ട്. അതിനെ പ്രണയമെന്നൊന്നും വിളിക്കാനാവില്ല. അത് വിവാഹത്തിലേക്കും പോകില്ല. ആ ബന്ധത്തിനെ എന്ത് പേരെടുത്തും വിളിച്ചോട്ടെ. പക്ഷേ അവിഹിതമെന്ന് പറയരുത്. - ഒരു യൂട്യൂബ് ചാനലിന് നൽകിയ അഭിമുഖത്തിൽ ജിഷിൻ പറഞ്ഞു.