‘ഹനുമാൻ 2 ദ് റൈസ് ഓഫ് വാനരാസ്’ പ്രഖ്യാപിച്ചു; നായകനായി പഞ്ച വൈഷ്ണവ് തേജ്

യുവതാരം പഞ്ച വൈഷ്ണവ് തേജാണ് ചിത്രത്തിൽ നായകനായെത്തുന്നത്.
Hanuman 2: The Rise of Vanaras
Hanuman 2: The Rise of Vanarasspecial arrangement
Edited By:
Updated on: 
1 min read

‘ഹനുമാൻ 2 - ദ് റൈസ് ഓഫ് വാനരാസ്’ ഔദ്യോഗികമായി പ്രഖ്യാപിച്ച് പ്രൈംഷോ എന്റർടെയ്ൻമെന്റ്. ഇന്ത്യൻ സിനിമയിലെ വമ്പൻ വിജയങ്ങളിലൊന്നായി മാറിയ ‘ഹനുമാൻ’ ചിത്രത്തിന് ശേഷം തങ്ങളുടെ ഫാന്റസി സിനിമാ പ്രപഞ്ചം കൂടുതൽ വിപുലീകരിക്കുകയാണ് ഇതിലൂടെ പ്രൈം ഷോ എന്റെർറ്റൈന്മെന്റ്സ്. യുവതാരം പഞ്ച വൈഷ്ണവ് തേജാണ് ചിത്രത്തിൽ നായകനായെത്തുന്നത്.

ഫാന്റസിക്കും മിത്തോളജിക്കും ഭാവനയ്ക്കും പ്രാധാന്യം നൽകുന്ന ബിഗ് ബജറ്റ് ചിത്രമായി ഒരുങ്ങുന്ന സിനിമ സംവിധാനം ചെയ്യുന്നത് വിഐ. ആനന്ദാണ്. കെ. നിരഞ്ജൻ റെഡ്ഡിയും ചൈതന്യ റെഡ്ഡിയും ചേർന്നാണ് പ്രൈംഷോ എന്റർടെയ്ൻമെന്റിന്റെ ബാനറിൽ ചിത്രം നിർമ്മിക്കുന്നത്.

‘ഹനുമാൻ’ എന്ന ചിത്രത്തിലൂടെ പ്രേക്ഷകർക്ക് മുന്നിൽ അവതരിപ്പിച്ച ഫാന്റസി ലോകത്തിന് പുതിയൊരു അധ്യായം തുറക്കുകയാണ് ‘ഹനുമാൻ 2 - ദ് റൈസ് ഓഫ് വാനരാസ്’. ചിത്രത്തിന്റെ ടൈറ്റിൽ പ്രഖ്യാപനത്തോടൊപ്പം പുറത്തിറക്കിയ പോസ്റ്ററും ഏറെ ശ്രദ്ധേയമാണ്. മേഘങ്ങൾക്കിടയിലൂടെ ഉയർന്നുപോകുന്ന ഒരാളെയും അതിനുചുറ്റും പ്രത്യക്ഷപ്പെടുന്ന ഭീമാകാരമായ ദിവ്യവാലും അതീന്ദ്രിയമായ ദൈവിക സാന്നിധ്യവും ഉൾക്കൊള്ളുന്ന ദൃശ്യമാണ് പോസ്റ്ററിലുള്ളത്.

ചിത്രത്തിന്റെ മിസ്റ്റിക് ഫാന്റസി ലോകത്തിലേക്കുള്ള കൗതുകമുണർത്തുന്ന സൂചനയാണ് ഈ പോസ്റ്റർ നൽകുന്നത്. ചിത്രത്തിന്റെ പ്രമേയത്തെയും കഥാപാത്രങ്ങളെയും കുറിച്ച് കൂടുതൽ അറിയാനുള്ള ആകാംക്ഷയും ടൈറ്റിൽ പ്രഖ്യാപനം സൃഷ്ടിച്ചിട്ടുണ്ട്. ഫാന്റസിയും ഭാവനാത്മകമായ കഥപറച്ചിലും വ്യത്യസ്തമായ രീതിയിൽ അവതരിപ്പിക്കുന്ന സംവിധായകൻ വിഐ ആനന്ദിന്റെ സാന്നിധ്യമാണ് ചിത്രത്തിന്റെ മറ്റൊരു പ്രധാന സവിശേഷത.

‘ഹനുമാൻ’ എന്ന ബ്ലോക്ക്ബസ്റ്റർ ചിത്രത്തിലൂടെ ഇന്ത്യൻ സിനിമയിൽ ശ്രദ്ധേയമായ നേട്ടം കൈവരിച്ച പ്രൈംഷോ എന്റർടെയ്ൻമെന്റ്, നിലവിൽ മെഗാ സുപ്രീം ഹീറോ സായ് ദുര്‍ഗ തേജിനെ നായകനാക്കി എസ്‌വൈജിയും കിച്ച സുദീപിനെ നായകനാക്കി ബിആർബിയും നിർമ്മിച്ചുവരികയാണ്.

കെ നിരഞ്ജൻ റെഡ്ഡിയും ചൈതന്യ റെഡ്ഡിയും തങ്ങളുടെ ബാനറിന് കീഴിൽ വ്യത്യസ്തവും വലിയ കാൻവാസിലുള്ളതുമായ സിനിമകൾ ഒരുക്കുന്നതിന്റെ തുടർച്ചയായാണ് പുതിയ ഫാന്റസി സംരംഭവും പ്രഖ്യാപിച്ചിരിക്കുന്നത്. ‘ഹനുമാൻ’ നേടിയ വൻ വിജയത്തിന് ശേഷം അതേ ഫാന്റസി പ്രപഞ്ചത്തെ പുതിയൊരു തലത്തിലേക്ക് എത്തിക്കാനുള്ള ശ്രമം കൂടിയാണ് ‘ഹനുമാൻ 2 - ദ് റൈസ് ഓഫ് വാനരാസ്’. മാർക്കറ്റിംഗ് - ഹാഷ്ടാഗ് മീഡിയ, പിആർഒ- ശബരി.

Hanuman 2: The Rise of Vanaras
'ചെറുപ്പത്തിലേറ്റവും ഇഷ്ടപ്പെട്ട സിനിമകളിലൊന്നാണ് 'ഇൻ ഹരിഹർ ന​ഗർ'; അതിൽ സിദ്ദിഖ് ഇക്ക ഒഴിച്ച് ബാക്കിയെല്ലാവരുടെയും കൂടെ ഞാൻ അഭിനയിച്ചു'
Hanuman 2: The Rise of Vanaras
'ഹിന്ദു വിരോധം തുപ്പിക്കൊണ്ട്, വായിൽ തോന്നിയത് വിളിച്ചു പറയുന്ന കമ്മിണി'; പാർവതിയെ വിമർശിച്ച് നടി മായ മേനോൻ
Hanuman 2: The Rise of Vanaras
'സെറ്റില്‍ സല്‍മാന്റെ ശല്യം, ഐശ്വര്യയെ നടനില്‍ നിന്നും സംരക്ഷിക്കുകയായിരുന്നു എന്റെ ജോലി'; മുന്‍ ബോഡി ഗാര്‍ഡ് പറയുന്നു
Summary

Hanuman 2: The Rise of Vanaras first look poster out.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER